India - 2024
അഖില കേരള മദര് തെരേസ ബൈബിള് ക്വിസ് മെയ് ഒന്നിന്
സ്വന്തം ലേഖകന് 10-03-2017 - Friday
കൊച്ചി: എറണാകുളം സെന്റ് മേരീസ് കത്തീഡ്രൽ ബസിലിക്കയുടെ ആഭിമുഖ്യത്തിൽ നടത്തുന്ന ഏഴാമതു വിശുദ്ധ മദർ തെരേസ ബൈബിൾ ക്വിസ് മേയ് ഒന്നിനു നടത്തും. കേരളത്തിലെ സീറോ മലബാർ, ലാറ്റിൻ, സീറോ മലങ്കര റീത്തുകളിലെ ഇടവക/ സെന്റർ/സ്ഥാപനം എന്നിവയിൽ രണ്ടു പേർ വീതമുള്ള രണ്ട് ടീമുകൾക്കു മത്സരത്തിൽ പങ്കെടുക്കാം.
ബൈബിളിലെ വിശുദ്ധ മത്തായി എഴുതിയ സുവിശേഷം 1 - 15 അധ്യായങ്ങൾ (30 ശതമാനം), സുഭാഷിതങ്ങൾ 20 -31 അധ്യായങ്ങൾ (20 ശതമാനം), വിശുദ്ധ മദർ തെരേസയുടെ ജീവചരിത്രം - നവീൻ ചൗള (15 ശതമാനം), വിശുദ്ധ ചാവറ പിതാവിന്റെ ’ചാവരുൾ’ എന്ന പുസ്തകം (15 ശതമാനം), സഭാ സംബന്ധമായ പൊതുചോദ്യങ്ങൾ (20 ശതമാനം) എന്നിവയാണു മത്സര വിഷയം.
10,001 രൂപയും, എബി മാത്യു പുളിനിൽക്കുംതടത്തിൽ മെമ്മോറിയൽ എവർ റോളിംഗ് ട്രോഫിയുമാണ് ഒന്നാം സമ്മാനം. രണ്ടും, മൂന്നും സ്ഥാനങ്ങൾ നേടുന്നവർക്ക് യഥാക്രമം 5,001 രൂപയും, അഡ്വ. പി.ടി.ജോസ് പാലാട്ടി എവറോളിംഗ് ട്രോഫിയും, 3,001 രൂപയും ടോണി ഹോർമീസ് ഒല്ലൂക്കാരൻ എവർറോളിംഗ് ട്രോഫിയും സമ്മാനമായി ലഭിക്കും. ഫൈനൽ റൗണ്ടിലെത്തുന്ന ടീമുകൾക്ക് 1,001 രൂപ വീതം കാഷ് അവാർഡും, എഴുത്തു പരീക്ഷയിൽ 75 ശതമാനത്തിലധികം മാർക്കു വാങ്ങുന്നവർക്ക് പ്രത്യേക സമ്മാനങ്ങളും, പങ്കെടുക്കുന്ന എല്ലാ ടീമംഗങ്ങൾക്കും പ്രോത്സാഹന സമ്മാനങ്ങളും നൽകും.
ഏപ്രിൽ 29 ആണ് രജിസ്ട്രേഷന് അവസാന തീയതി. സെന്റ് മേരീസ് കത്തീഡ്രൽ ബസിലിക്ക, ബ്രോഡ്വേ, എറണാകുളം, കൊച്ചിൻ-682 031 എന്ന വിലാസത്തിൽ നേരിട്ടോ, ഫോണ് വഴിയോ, തപാലിലോ രജിസ്ട്രേഷൻ നടത്താം. ( ഫോണ്: 0484-2351516 തങ്കച്ചൻ പേരയിൽ - കണ്വീനർ, 9495430618 ബേബി പൊട്ടനാനിയിൽ - വൈസ് ചെയമാൻ 9447370666.