India - 2024
വിന്‍സന്‍റ് ഡി പോള്‍ സൊസൈറ്റിയുടെ അന്താരാഷ്ട്ര പ്രസിഡന്‍റ് ഇന്ന് കേരളത്തില്‍
സ്വന്തം ലേഖകന്‍ 07-03-2017 - Tuesday
കൊച്ചി: ആഗോള കത്തോലിക്ക സഭയിലെ ഏറ്റവും വലിയ അല്മായ സംഘടനയായ വിൻസെന്‍റ് ഡി പോൾ സൊസൈറ്റിയുടെ അന്താരാഷ്ട്ര പ്രസിഡന്‍റ് റെനാറ്റോ ലിമാഡി ഒലിവെയ്റാ ഇന്നു കേരളത്തിൽ എത്തും. ഭാരതസന്ദര്‍ശനത്തിന്റെ ഭാഗമായി ഇക്കഴിഞ്ഞ നാലിന് ഗോവയിലെത്തിയ അദ്ദേഹം ചെന്നൈ സന്ദർശനം പൂർത്തിയാക്കിയശേഷമാണ് കേരളത്തിലെത്തുന്നത്.
നാളെ എറണാകുളം റിന്യൂവൽ സെന്‍ററിൽ നടക്കുന്ന സ്വീകരണ സമ്മേളനം കർദിനാൾ മാർ ജോർജ് ആലഞ്ചേരി ഉദ്ഘാടനം ചെയ്യും. അന്താരാഷ്ട്ര വൈസ് പ്രസിഡന്‍റ് ജനറൽ ടി. ജോസഫ് പാണ്ഡ്യൻ, ഇന്ത്യയുടെ നാഷണൽ കൗണ്‍സിൽ പ്രസിഡന്‍റും അന്താരാഷ്ട്ര ടെറിറ്റോറിയൽ വൈസ് പ്രസിഡന്‍റുമായ പ്രഫ. ജോണ്സണ് എന്നിവരും അന്താരാഷ്ട്ര പ്രസിഡന്റിനൊപ്പമുണ്ട്. കോതമംഗലം സെൻട്രൽ കൗണ്‍സിലിന്‍റെ പ്രോജക്ടായ ഓസാനം സെന്‍റർ കോതമംഗലത്ത് ഒന്പതിന് രാവിലെ പത്തിന് റെനാറ്റോ ഉദ്ഘാടനം ചെയ്യും.
