India - 2024
കെസിവൈഎം താമരശ്ശേരി രൂപത യുവജന സംഗമം തിരുവമ്പാടിയില്
സ്വന്തം ലേഖകന് 13-04-2017 - Thursday
താമരശ്ശേരി: കെസിവൈഎം താമരശ്ശേരി രൂപത യുവജന സംഗമം മേയ് ഒന്നിന് തിരുവമ്പാടിയില് വെച്ചു നടക്കും. രാവിലെ ഒന്പതിന് ആരംഭിക്കുന്ന പ്രതിനിധി സമ്മേളനത്തില് മതരാഷ്ട്രീയസാംസ്കാരിക മേഖലയിലെ പ്രമുഖർ പങ്കെടുക്കും. ഉച്ചയ്ക്ക് ശേഷം അയ്യായിരം യുവജനങ്ങൾ പങ്കെടുക്കുന്ന പൊതുസമ്മേളനവും റാലിയും നടക്കും.
സംഗമത്തിനു മുന്നോടിയായുള്ള ഒരുക്കങ്ങള് നടന്നു വരുന്നു. ഏപ്രിൽ 15 , 23 തീയതികളിൽ താമരശേരി രൂപതയിലെ എല്ലാ ഇടവകകളിലും യുവജനങ്ങള് വൃക്ഷത്തൈ നടും. 22ന് യുവജനങ്ങളുടെ നേതൃത്വത്തിൽ രക്തദാനം നടത്തും. സംഗമത്തെ പറ്റി പൊതുജനങ്ങളെ അറിയിക്കുക എന്ന ലക്ഷ്യത്തോടെ വിവിധ കേന്ദ്രങ്ങളിൽ ഫ്ളാഷ് മോബുകൾ സംഘടിപ്പിക്കുമെന്നു കെസിവൈഎം രൂപത നേതൃത്വം അറിയിച്ചു.