India - 2024
സൗജന്യ ചികിത്സ ലഭ്യമാക്കുന്ന പദ്ധതിയുമായി തൃശൂര് അതിരൂപത
സ്വന്തം ലേഖകന് 18-06-2017 - Sunday
തൃശൂർ: തൃശൂർ അതിരൂപതയുടെ നേതൃത്വത്തിൽ സൗജന്യ ചികിത്സ ലഭ്യമാക്കുന്ന ഇൻഷ്വറൻസ് പരിരക്ഷാ പദ്ധതിയിൽ അംഗമാകുന്നതിന് വേണ്ടിയുള്ള അവസാന തീയതി 30. അതിരൂപതയുടെ ജീവകാരുണ്യ പ്രസ്ഥാനമായ സാന്ത്വനം, ജൂബിലി മിഷൻ ആശുപത്രി എന്നിവയുടെ സഹകരണത്തോടെയാണു പദ്ധതി നടപ്പാക്കുന്നത്. നാല് അംഗങ്ങളുള്ള കുടുംബത്തിനു 460 രൂപ വാർഷിക പ്രീമിയം അടച്ച് അംഗത്വമെടുക്കാം.
ഓരോ കുടുംബാംഗത്തിനും 15,000 രൂപ വരെയുള്ള ചികിത്സാചെലവിന് ഇൻഷ്വറൻസ് പരിരക്ഷയുണ്ടാകും. ആകെ മുപ്പതിനായിരം രൂപയ്ക്കാണ് ഇൻഷ്വർ ചെയ്യുന്നത്. അംഗത്വമെടുക്കുന്നവർക്ക് ജൂബിലി മിഷൻ ആശുപത്രി അടക്കമുള്ള ആശുപത്രികളിൽ 15,000 രൂപവരെയുള്ള ചികിത്സയ്ക്കു പണം അടയ്ക്കേണ്ടതില്ല. 80 വയസുവരെ പ്രായമുള്ള ആറ് അംഗങ്ങൾക്കു പദ്ധതിയിൽ ചേരുന്നതിന് 920 രൂപയാണു പ്രീമിയം. പദ്ധതിയിൽ അംഗമാകുന്നതിന് ജൂബിലി മിഷൻ ആശുപത്രിയുമായോ 7994724568 എന്ന നമ്പറിലോ ബന്ധപ്പെടണം.