India - 2024
യുവജന സിനഡിന്റെ പ്രാരംഭരേഖ ആസ്പദമാക്കി പഠനശിബിരം
സ്വന്തം ലേഖകന് 07-07-2017 - Friday
കൊച്ചി: ഫ്രാൻസിസ് മാർപാപ്പ പ്രഖ്യാപിച്ച യുവജന സിനഡിന്റെ പ്രാരംഭരേഖ ആസ്പദമാക്കി എറണാകുളം - അങ്കമാലി അതിരൂപതയുടെ ആഭിമുഖ്യത്തിൽ സുബോധന പാസ്റ്ററൽ സെന്ററില് നാളെ പഠനശിബിരം നടത്തും. ഉച്ചകഴിഞ്ഞു രണ്ടിന് ആരംഭിക്കുന്ന സെമിനാർ സീറോ മലബാർ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി ഉദ്ഘാടനം ചെയ്യും.
മംഗലപ്പുഴ സെമിനാരിയിലെ പ്രഫസർ റവ. ഡോ. മാർട്ടിൻ കല്ലുങ്കൽ, സംസ്കൃത സർവകലാശാലാ സാമൂഹ്യസേവന വിഭാഗം തലവൻ ഡോ. ജോസ് ആന്റണി തുടങ്ങിയവർ പ്രഭാഷണം നടത്തും. അതിരൂപത പാസ്റ്ററൽ കൗണ്സിൽ സെക്രട്ടറി സിജോ പൈനാടത്ത് മോഡറേറ്ററാകുന്ന പാനൽ ചർച്ചയിൽ ബോബി പോൾ, സെമിച്ചൻ ജോസഫ്, ധനുഷ മേരി, അമല ട്രീസ എന്നിവർ പ്രസംഗിക്കും. പഠനശിബിരം വൈകീട്ട് 5നു സമാപിക്കും.