ഇന്‍ഡോര്‍: നുറുങ്ങുന്ന ഹൃദയവേദനയോടെ സിസ്റ്റര്‍ റാണി മരിയയുടെ വാഴ്ത്തപ്പെട്ട രക്തസാക്ഷിത്വ പ്രഖ്യാപന ചടങ്ങുകളില്‍ പങ്കെടുക്കാന്‍ സമുന്ദര്‍ സിംഗ് ഇന്‍ഡോറില്‍ എത്തിയത് പശ്ചാത്താപത്തിന്റെ ദൃശ്യമായ പ്രകടനമായി മാറി. പ്രഖ്യാപന ശുശ്രൂഷകളുടെ അവസാന ഭാഗത്തു സിസ്റ്റര്‍ റാണി മരിയയുടെ കുടുംബാംഗങ്ങള്‍ക്കൊപ്പം തന്നെ സമുന്ദര്‍ സിംഗും ഉണ്ടായിരുന്നു. ആരും തിരിച്ചറിയരുതെന്നാഗ്രഹിച്ചു നിശബ്ദനായി നിന്ന സമുന്ദര്‍ സിംഗിന്റെ കണ്ണുകളില്‍ പശ്ചാത്താപത്തിന്റെയും കുറ്റബോധത്തിന്റെയും കണ്ണുനീര്‍ വ്യക്തമായിരിന്നു.

'എനിക്ക് തെറ്റു പറ്റി. ഒരിക്കലും ചെയ്യാന്‍ പാടില്ലാത്തതായിരുന്നു. പക്ഷേ, ഇപ്പോള്‍ ദൈവം അതെല്ലാം നന്മയാക്കി മാറ്റി. ഏറെ സന്തോഷിക്കുന്ന ദിനമാണിത്' നിറകണ്ണുകളോടെ സമുന്ദര്‍ പറഞ്ഞു. ക്ഷമിക്കുന്ന സ്നേഹം ലോകത്തിന് വീണ്ടും വീണ്ടും കാണിച്ചുകൊടുത്തു കൊണ്ട് സിസ്റ്റര്‍ റാണിയുടെ സഹോദരി സിസ്റ്റര്‍ സെല്‍മി സമുന്ദറിന് ആശ്വാസം പകരുന്നുണ്ടായിരിന്നു. സമീപത്തു സഹോദരങ്ങളായ സ്റ്റീഫനും വര്‍ഗീസും ഉണ്ടായിരുന്നു.

എല്ലാമറിയുന്ന ദൈവം എനിക്കു മാപ്പു തരുമെന്നാണു വിശ്വാസം. ഈ ചടങ്ങില്‍ പങ്കെടുക്കുമ്പോള്‍ ഏറെ സന്തോഷമുണ്ട്. എല്ലാം ഈശ്വരന്‍ തീരുമാനിക്കുന്നതുപോലെയാണ്. അന്ന് എനിക്കു പറ്റിയ തെറ്റ് ഈശ്വരന്‍ തിരുത്തിയിരിക്കുന്നു. അന്നു സംഭവിച്ചതും ദൈവം അറിഞ്ഞുകൊണ്ടുതന്നെ. ഇന്നു നടക്കുന്നതും ദൈവഹിതമാണ്. ഞാന്‍ എന്നും പ്രാര്‍ത്ഥിക്കാറുണ്ട്, ഇന്നും പ്രാര്‍ത്ഥിച്ചു. എനിക്കവരോടു നന്ദിയുണ്ട്. എന്നെ ജീവിക്കാന്‍ പ്രേരിപ്പിച്ചത് ഇവരാണ്. ഈ കുടുംബമാണ് എന്നെ ഇന്നത്തെ ഞാന്‍ ആക്കിയതെന്നു സിസ്റ്റര്‍ സെല്‍മിയെയും സഹോദരങ്ങളെയും ചൂണ്ടിക്കാട്ടി സമുന്ദര്‍ പറഞ്ഞു.

നേരത്തെ പാവങ്ങളുടെ ആശ്രയമായിരിന്ന ഒരു കന്യാസ്ത്രീയെയാണ് താന്‍ കുത്തികൊല്ലപ്പെടുത്തിയതെന്ന് തടവിലായപ്പോള്‍ അറിഞ്ഞ സമുന്ദര്‍, തന്നെ കൊലപാതകത്തിന് പ്രേരിപ്പിച്ച ജന്മിമാരെ കൊന്നു ആത്മഹത്യ ചെയ്യുവാനാണ് തീരുമാനിച്ചത്. എന്നാല്‍ ഇന്നലെ ഇന്‍ഡോറിന്റെ പുണ്യദിനത്തില്‍ താന്‍ അപായപ്പെടുത്തിയ സിസ്റ്ററിന്റെ വാഴ്ത്തപ്പെട്ട രക്തസാക്ഷിത്വ പ്രഖ്യാപന ചടങ്ങില്‍ പങ്കെടുക്കാന്‍ സമുന്ദര്‍ എത്തിചേര്‍ന്നിട്ടുണ്ടെങ്കില്‍ അതിനു ഒരുകാരണമേയുള്ളൂ, യേശു പഠിപ്പിച്ച ക്ഷമിക്കുന്ന സ്നേഹം ലോകത്തിന് കാണിച്ചുകൊടുത്ത സിസ്റ്റര്‍ റാണിമരിയയുടെ കുടുംബം. ചടങ്ങുകള്‍ക്കുശേഷം എല്ലാവരോടും നന്ദി പറഞ്ഞാണു സമുന്ദര്‍ ഉദയ്‌നഗറിലേക്കു തിരിച്ചത്.

നിറകണ്ണുകളോടെ റാണി മരിയയുടെ സ്മൃതിമണ്ഡപത്തിനരികെ സമുന്ദർ സിങ്

ഭാരതസഭയിലെ ആദ്യത്തെ വനിതാ രക്തസാക്ഷി ഇനി വാഴ്ത്തപ്പെട്ടവള്‍

സിസ്റ്റര്‍ റാണി മരിയയുടെ നാമകരണ നാള്‍വഴികള്‍

വാഴ്ത്തപ്പെട്ട രക്തസാക്ഷിത്വ പദവി പ്രഖ്യാപനം തത്സമയം കാണാം

ഇന്‍ഡോര്‍ റാണിയുടെ വാഴ്ത്തപ്പെട്ട രക്തസാക്ഷി പ്രഖ്യാപനത്തിന് ഇനി മണിക്കൂറുകള്‍ മാത്രം

ക്രിസ്ത്യന്‍ വിരുദ്ധ ശക്തികളുടെ നിയന്ത്രണത്തില്‍ നിന്നും യൂറോപ്പ് പുറത്തുവരണമെന്നു ഹംഗേറിയൻ പ്രധാനമന്ത്രി

ഗര്‍ഭഛിദ്രത്തിനെതിരെ ശക്തമായ ചുവടുവെയ്പ്പുമായി റഷ്യൻ സഭാനേതൃത്വം

‘അത്ഭുതങ്ങളുടെ നാഥന്’ നന്ദിയര്‍പ്പിച്ച് പെറു: പ്രദക്ഷിണത്തില്‍ പങ്കെടുത്തത് ഒരു ലക്ഷത്തോളം വിശ്വാസികള്‍

യേശുവിന്റെ ശക്തിയാണ് ഭൂതോച്ചാടകരിലൂടെ പ്രവര്‍ത്തിക്കുന്നതെന്നു സുപ്രസിദ്ധ സൈക്യാട്രിസ്റ്റ്

കര്‍ദ്ദിനാള്‍ ആഞ്ചലോ അമാത്തോ ഇന്‍ഡോറില്‍: ഇന്ന് പ്രത്യേക പ്രാര്‍ത്ഥനാശുശ്രൂഷകള്‍