വത്തിക്കാന്‍ സിറ്റി: നവംബര്‍ 30 മുതല്‍ ആരംഭിക്കാനിരിക്കുന്ന ബംഗ്ലാദേശ് സന്ദര്‍ശനത്തിനൊരുക്കമായി ഫ്രാന്‍സിസ് പാപ്പയുടെ സന്ദേശം ഉള്‍ക്കൊള്ളിച്ച് കൊണ്ട് വത്തിക്കാന്‍ വീഡിയോ പുറത്തിറക്കി. 'പ്രിയ സ്നേഹിതരേ' എന്ന അഭിസംബോധനയോടെയാണ് പാപ്പ തന്റെ സന്ദേശം ആരംഭിക്കുന്നത്. യേശുക്രിസ്തുവിന്‍റെ സുവിശേഷത്തിന്‍റെ ഒരു ശുശ്രൂഷകനായിട്ടാണു താന്‍ വരുന്നതെന്നും അനുരഞ്ജനത്തിന്‍റെയും ക്ഷമയുടെയും സമാധാനത്തിന്‍റെയും സന്ദേശം പ്രഘോഷിക്കുന്നതിന്നാണിതെന്നും പാപ്പ സന്ദേശത്തില്‍ പറഞ്ഞു.

ഏതാനും ദിവസങ്ങള്‍ക്കുള്ളില്‍ നടക്കാന്‍ പോകുന്ന ബംഗ്ലാദേശ് സന്ദര്‍ശനത്തിനായി ഒരുങ്ങുന്ന അവസരത്തില്‍, അവിടുത്തെ എല്ലാ ജനങ്ങള്‍ക്കുമായി സൗഹൃദത്തിന്‍റെയും ആശംസയുടെയും വാക്കുകള്‍ കൈമാറുന്നതിന് ഞാനാഗ്രഹിക്കുന്നു. നാം ഒരുമിച്ചായിരിക്കുന്ന നിമിഷങ്ങളെ ഞാന്‍ മുന്നില്‍ കാണുകയാണ്. ബംഗ്ലാദേശിലെ കത്തോലിക്കാസമൂഹം വിശ്വാസവും, സുവിശേഷസാക്ഷ്യവും വഴി തങ്ങളുടെ ഹൃദയവാതിലുകള്‍ അപരര്‍ക്കായി, പ്രത്യേകിച്ച് ദരിദ്രര്‍ക്കും ആവശ്യത്തിലിരിക്കുന്നവര്‍ക്കുമായി തുറക്കുന്നതിനു ക്ഷണിക്കുക എന്നത് എന്‍റെ സന്ദര്‍ശനത്തിന്‍റെ ലക്ഷ്യമാണ്.

അതോടൊപ്പംതന്നെ, എല്ലാ ജനതകളെയും കാണുന്നതിന് ഞാനാഗ്രഹിക്കുന്നു. ഏക മാനവകുടുംബത്തിലെ അംഗങ്ങളെന്ന നിലയില്‍ പരസ്പരം പിന്താങ്ങുന്നതിന് കൂടുതലായി വിളിക്കപ്പെടുന്ന ഒരു കാലഘട്ടത്തിലാണ് നാം ജീവിക്കുന്നത്. എല്ലായിടത്തുമുള്ള വിശ്വാസികളും സന്മനസ്സുള്ള ഏവരും പരസ്പരം മനസ്സിലാക്കുകയും ബഹുമാനിക്കുകയും വേണം.

ബംഗ്ലാദേശിലെ എന്‍റെ സന്ദര്‍ശനത്തിനൊരുക്കമായി അനേകര്‍ കഠിനമായി അധ്വാനിക്കുന്നുവെന്നു അറിയാം. അവര്‍ക്കു നന്ദി പറയുന്നു. എല്ലാവര്‍ക്കും സന്തോഷത്തിന്‍റെയും സമാധാനത്തിന്‍റെയും ദൈവാനുഗ്രഹങ്ങള്‍ ആശംസിച്ചുകൊണ്ടാണ് പാപ്പ തന്റെ സന്ദേശം അവസാനിപ്പിക്കുന്നത്. മാര്‍പാപ്പയുടെ സന്ദര്‍ശനം പ്രമാണിച്ച് ശക്തമായ സുരക്ഷയാണ് ബംഗ്ലാദേശില്‍ ഒരുക്കിയിരിക്കുന്നത്.

തന്നെ നയിക്കുന്ന ദൈവത്തിനു നന്ദി പ്രകാശിപ്പിച്ചുകൊണ്ട് നൂറ്റിപ്പതിമൂന്ന് വയസ്സുള്ള സിസ്റ്റര്‍ ആന്‍ഡ്രി

പ്രാര്‍ത്ഥനാനിറവില്‍ ഹൊസൂർ രൂപതയുടെ സ്ഥാപനവും മാർ പൊഴോലിപ്പറമ്പിലിന്റെ മെത്രാഭിഷേകവും

പീഡിപ്പിക്കപ്പെടുന്ന ക്രൈസ്തവരെ സ്മരിച്ച് ഇന്ന് 'ചുവപ്പ് ബുധന്‍': പങ്കുചേരാന്‍ ലോക രാജ്യങ്ങള്‍

വിയറ്റ്നാം ജനതയ്ക്ക് ഒരുലക്ഷം ബൈബിള്‍ എത്തിച്ചുകൊണ്ട് യുവാവിന്റെ വിശ്വാസസാക്ഷ്യം

ക്രിസ്തുവിനെ മഹത്വപ്പെടുത്തി അമേരിക്കയില്‍ ഇരുപതിനായിരം പേരുടെ യുവജനസംഗമം

ഗ്രേറ്റ് ബ്രിട്ടന്‍ സീറോമലബാര്‍ രൂപതയുടെ ത്രിദിന സമ്മേളനം ആരംഭിച്ചു

“സ്വര്‍ഗ്ഗസ്ഥനായ പിതാവേ” പ്രാര്‍ത്ഥനയുടെ പരിഷ്ക്കരിച്ച രൂപം അടുത്ത മാസം പ്രാബല്യത്തില്‍

ഗര്‍ഭചിദ്രത്തിന്റെ ക്രൂരതയെ വെളിപ്പെടുത്തുന്ന പോസ്റ്ററുകളാല്‍ നിറഞ്ഞ് റോം

വത്തിക്കാന്‍ ഭരണസംവിധാനത്തില്‍ മാര്‍പാപ്പയുടെ അഴിച്ചുപണി: പുതിയ വകുപ്പ് പ്രവര്‍ത്തനം ആരംഭിച്ചു

കര്‍ദ്ദിനാള്‍ ആന്‍ഡ്രിയ കൊര്‍ഡേരൊ ലാന്‍ത്സ ദിവംഗതനായി