ജീ​വി​ച്ചി​രിപ്പു​ണ്ടെങ്കി​ൽ 2018 ൽ ​ഇ​ന്ത്യ സ​ന്ദ​ർ​ശി​ക്കാ​ൻ ക​ഴി​യു​മെ​ന്നാ​ണു ത​ന്‍റെ പ്ര​തീ​ക്ഷ​യെ​ന്നു ഫ്രാ​ൻ​സി​സ് മാ​ർ​പാ​പ്പ. ഇ​ന്ത്യ​യും ബം​ഗ്ലാ​ദേ​ശും ഇ​ത്ത​വ​ണ സ​ന്ദ​ർ​ശി​ക്കാ​നാ​യി​രു​ന്നു പ​ദ്ധ​തി​യി​ട്ടി​രു​ന്ന​തെ​ങ്കി​ലും ഇ​ന്ത്യാ സ​ന്ദ​ർ​ശ​ന​ത്തി​ന്‍റെ ന​ട​പ​ടി​ക്ര​മ​ങ്ങ​ൾ നീ​ണ്ടു​പോ​യ​തി​നാ​ൽ, ബം​ഗ്ലാ​ദേ​ശും അ​ടു​ത്തു​ള്ള മ്യാ​ൻ​മ​റും തെ​ര​ഞ്ഞെ​ടു​ക്കാ​ൻ നി​ർ​ബ​ന്ധി​ത​നാ​വു​ക​യാ​യി​രു​ന്നു എ​ന്നു മാ​ർ​പാ​പ്പ പ​റ​ഞ്ഞു. ദ​ക്ഷി​ണേ​ഷ്യ​യി​ലെ വി​ജ​യ​ക​ര​മാ​യ ആ​റു ദി​വ​സ​ത്തെ സ​ന്ദ​ർ​ശ​നം ക​ഴി​ഞ്ഞ് ബം​ഗ്ലാ​ദേ​ശ് ത​ല​സ്ഥാ​ന​മാ​യ ധാ​ക്ക​യി​ൽനി​ന്നു റോ​മി​ലേ​ക്കു മ​ട​ങ്ങു​ന്ന​തി​നി​ടെ ഒ​പ്പം ഉ​ണ്ടാ​യി​രു​ന്ന മാ​ധ്യ​മ​സം​ഘത്തിന്റെ ചോ​ദ്യങ്ങൾക്കു മ​റു​പ​ടി ന​ൽ​കു​ക​യാ​യി​രു​ന്നു മാ​ർ​പാ​പ്പ.

ഈ​ വ​ർ​ഷം ഇ​ന്ത്യ സ​ന്ദ​ർ​ശ​നം ന​ട​ക്കാ​തെ​പോ​യ​തു ദൈ​വീക പദ്ധതിയുടെ ഭാഗമാണെന്നു മാ​ർ​പാ​പ്പ പ​റ​ഞ്ഞു. ഇ​ന്ത്യാ സ​ന്ദ​ർ​ശ​നം ത​ന്നെ ഒ​രു മു​ഴു​വ​ൻ പ​രി​പാ​ടി​യാ​ണ്. കാ​ര​ണം, ഇ​ന്ത്യ​യു​ടെ തെ​ക്കും വ​ട​ക്കും വ​ട​ക്കുകി​ഴ​ക്കും മ​ധ്യ​ഭാ​ര​ത​വു​മെ​ല്ലാം സ​ന്ദ​ർ​ശി​ക്കേ​ണ്ട​തു​ണ്ട്. അ​ത്ര​യേ​റെ വി​ശാ​ല​വും വൈ​വി​ധ്യ​വും നി​റ​ഞ്ഞ​താ​ണ് ഇ​ന്ത്യ​ൻ സം​സ്കാ​രം. ഈ ​വ​ർ​ഷം ഇ​ന്ത്യ സ​ന്ദ​ർ​ശി​ക്കാ​നാ​യി​രു​ന്നു ത​ന്‍റെ ശ​രി​ക്കു​ള്ള പ​രി​പാ​ടി​യെ​ങ്കി​ലും ന​ട​പ​ടി​ക്ര​മ​ങ്ങ​ൾ വൈ​കി​യ​തു​കൊ​ണ്ടാ​ണു ന​ട​ക്കാ​തെ പോ​യ​തെ​ന്നു മാ​ർ​പാ​പ്പ വി​ശ​ദീ​ക​രി​ച്ചു. സ​മ​യം വൈ​കി​യ​തി​നാ​ൽ ബം​ഗ്ലാ​ദേ​ശും തൊ​ട്ട​ടു​ത്തു​ള്ള മ്യാ​ൻ​മ​റും സ​ന്ദ​ർ​ശി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു.

സ​ന്ദ​ർ​ശ​നം വൈ​കി​ച്ച​തി​ന് ഇ​ന്ത്യ​ൻ സ​ർ​ക്കാ​രി​നെ നേ​രി​ട്ടു കു​റ്റ​പ്പെ​ടു​ത്തി​യി​ല്ലെ​ങ്കി​ലും ന​ട​പ​ടി​ക്ര​മ​ങ്ങ​ൾ വൈ​കി​യ​തി​നാ​ലാ​ണ് ഇ​ന്ത്യ സ​ന്ദ​ർ​ശി​ക്കാ​തെ പോ​യ​തെ​ന്ന വ്യ​ക്ത​മാ​യ മ​റു​പ​ടി​യാ​ണ് ഫ്രാ​ൻ​സി​സ് പാ​പ്പ ന​ൽ​കി​യ​ത്. ഇന്ത്യ സന്ദർശിക്കാനുള്ള ത​ന്‍റെ ആ​ഗ്ര​ഹം മ​റ​യി​ല്ലാ​തെ തു​റ​ന്നു​പ​റ​യാ​നും മാ​ർ​പാ​പ്പ മ​ടി​ച്ചി​ല്ല. ഇ​ന്ത്യ​യി​ലെ സ​ർ​ക്കാ​രി​ന്‍റെ അ​നു​മ​തി​യും ക്രി​യാ​ത്മ​ക ന​ട​പ​ടി​ക​ളും മാ​ത്ര​മാ​ണ് ഇ​നി​യാ​വ​ശ്യം എ​ന്ന സ​ന്ദേ​ശ​വും മ​റു​പ​ടി​യി​ലു​ണ്ട്.