മുംബൈ: ലോകമെമ്പാടുമുള്ള ഭാരതീയരും മദര്‍തെരേസ എന്ന വ്യക്തിത്വത്തെ കുറിച്ച് ഒരിക്കലെങ്കിലും കേട്ടിട്ടുള്ളവരും ഏറെ പ്രതീക്ഷയോടെ കാത്തിരിക്കുന്ന ദിനമാണ് സെപ്റ്റംബര്‍ നാല്. പാവങ്ങളുടെ അമ്മ എന്ന അപരനാമത്തില്‍ അറിയപ്പെടുന്ന മദര്‍തെരേസയെ അന്ന് ഫ്രാന്‍സിസ് മാര്‍പാപ്പ വിശുദ്ധയായി പ്രഖ്യാപിക്കും. മുംബൈക്കാരിയായ ലോഗോ ഡിസൈനര്‍ കരന്‍ വസ്വാനിക്കും ഇത് അഭിമാനത്തിന്റെ നിമിഷങ്ങളാണ്. മദര്‍തെരേസയുടെ വിശുദ്ധ പദവി പ്രഖ്യാപനത്തോട് അനുബന്ധിച്ചു തയ്യാറാക്കിയ ലോഗോകളില്‍ വത്തിക്കാന്‍ തിരഞ്ഞെടുത്തത് കരന്‍ വസ്വാനി ചെയ്ത ലോഗോയാണ്.

മദര്‍തെരേസ ഒരു ശിശുവിനെ തന്റെ കരങ്ങളില്‍ എടുത്ത് ഓമനിക്കുന്ന ചിത്രമാണ് ലോഗോയിലുള്ളത്. വെള്ള നിറത്തില്‍ നീല വരകളാല്‍ മദര്‍തെരേസയെ വസ്വാനി വരച്ചിട്ടിരിക്കുന്നു. മദറിന്റെ കൈയില്‍ ലാളന ഏറ്റുവാങ്ങുന്ന കുഞ്ഞിനും നീല നിറമാണ്. മൂന്നു ദിവസം പലതരം ലോഗോകള്‍ വരച്ചു നോക്കിയ കരന്‍ വസ്വാനി ഇപ്പോള്‍ ഉള്ള ലോഗോയിലേക്ക് എത്തിച്ചേര്‍ന്നത് അതിന്റെ ലാളിത്യ സൗന്ദര്യത്തെ മനസിലാക്കിയാണ്.

"ലോകത്തിന്റെ എല്ലാ കോണുകളിലേക്കും എത്തിപ്പെടുന്ന ഒരു ചിത്രമായിരിക്കും ഇതെന്ന് എനിക്ക് അറിയാം. ഇതിനാല്‍ തന്നെ ഏറെ ആകര്‍ഷകവും അതേ സമയം മദറിന്റെ ജീവിതം പോലെ ലളിതവും സുന്ദരവുമായിരിക്കണം എന്ന് ഞാന്‍ ആശിച്ചിരുന്നു". കരന്‍ വസ്വാനി പറഞ്ഞു.

'മദര്‍തെരേസ: ദൈവ വാല്‍സല്യത്തിന്റെയും കാരുണ്യപൂര്‍വ്വമായ സ്‌നേഹത്തിന്റെയും സന്ദേശവാഹിക' എന്ന അര്‍ത്ഥം വരുന്ന പദങ്ങള്‍ ഇംഗ്ലീഷില്‍ ലോഗോയില്‍ എഴുതിയിട്ടുണ്ട്. കൊല്‍ക്കത്ത അതിരൂപതയാണ് വസ്വാനിയെ ലോഗോ രൂപകല്‍പ്പന ചെയ്യണമെന്ന ആവശ്യവുമായി സമീപിച്ചത്. വസ്വാനി രൂപകല്‍പ്പന ചെയ്ത ലോഗോ മിഷ്‌നറീസ് ഓഫ് ചാരിറ്റിയുടെ സൂപ്പീരിയര്‍ മദര്‍ പ്രേമയ്ക്കും, വത്തിക്കാനില്‍ മദര്‍തെരേസയുടെ വിശുദ്ധപ്രഖ്യാപന നടപടികളുടെ പോസ്റ്റുലേറ്ററായി പ്രവര്‍ത്തിക്കുന്ന ഫാദര്‍ ബ്രിയാനും ഏറെ ഇഷ്ടപ്പെട്ടതോടെ ഔദ്യോഗികമായി ഇതിനെ ചടങ്ങിന്റെ ലോഗോയായി സ്വീകരിക്കുകയായിരുന്നു.

ഈ വര്‍ഷം ഏപ്രിലില്‍ ലോഗോയ്ക്ക് അംഗീകാരം ലഭിച്ച ശേഷം താന്‍ ഈ വിവരം ആരോടും പറഞ്ഞിരുന്നില്ലെന്ന് കരന്‍ വസ്വാനി പറയുന്നു. അടുത്തിടെ വാട്ട്‌സ്ആപ്പ് പോലെയുള്ള സമൂഹമാധ്യമങ്ങളിലൂടെ ഇത് പ്രചരിക്കുവാന്‍ തുടങ്ങിയതോടെയാണ് ലോഗോയ്ക്ക് പിന്നില്‍ പ്രവര്‍ത്തിച്ച വ്യക്തിയേ ലോകം അറിയുന്നത്. പിന്നീട് അഭിനന്ദനങ്ങളുടെ നിലയ്ക്കാത്ത പ്രവാഹമാണ് ലഭിക്കുന്നതെന്നും വസ്വാനി പറയുന്നു.

#SaveFrTom

ദിവസേന എത്രയോ സമയം നാം സോഷ്യല്‍ മീഡിയായില്‍ ചിലവഴിക്കുന്നു? എന്നാല്‍ നിസ്സഹായനായ ഒരു വൈദികന്റെ മോചനത്തിന് വേണ്ടി അൽപസമയം ചിലവഴിക്കാമോ? നമ്മള്‍ ചിലവഴിക്കുന്ന ഓരോ നിമിഷവും നമ്മുടെ പ്രിയപ്പെട്ട ടോം അച്ചന്റെ മോചനത്തിന് വേഗത കൂട്ടും. അതിനായി Change.org വഴി യു‌എന്‍ മനുഷ്യാവകാശ കമ്മീഷന്‍ ചെയര്‍മാനും ഇന്ത്യന്‍ പ്രസിഡന്റിനും നല്‍കുന്ന നിവേദനത്തിൽ ഒപ്പു വക്കുകയും പ്രചരിപ്പിക്കുകയും ചെയ്യുക.

ഫാദര്‍ ടോമിനെ മോചിപ്പിക്കുവാൻ അടിയന്തിര നടപടി കൈക്കൊള്ളണം എന്ന് ആവശ്യപ്പെട്ടുകൊണ്ട് യു‌എന്‍ മനുഷ്യാവകാശ കമ്മീഷന്‍ ചെയര്‍മാനും ഇന്ത്യൻ പ്രസിഡന്റിനും സമർപ്പിക്കുന്ന നിവേദനത്തിൽ sign ചെയ്യുവാനായി ക്ലിക്ക് ചെയ്യുക

ബ്രസീലില്‍ വിശുദ്ധ കുര്‍ബാനയില്‍ ക്രിസ്തുവിന്റെ മുഖം തെളിഞ്ഞതായി വിശ്വാസികളുടെ സാക്ഷ്യം; ചിത്രങ്ങള്‍ സോഷ്യല്‍ മീഡിയായില്‍ പ്രചരിക്കുന്നു

പശ്ചിമേഷ്യന്‍ രാജ്യങ്ങളിലെ ക്രൈസ്തവ വംശഹത്യയ്‌ക്കെതിരേ ശക്തമായ നടപടി സ്വീകരിക്കണമെന്ന് ആവശ്യപ്പെട്ട് യുഎസിലെ പ്രമുഖ സംഘടന രംഗത്ത്

മദര്‍ തെരേസയോടുള്ള ആദരസൂചകമായി വത്തിക്കാനിലെ യുഎസ് എംബസി ഓണ്‍ലൈന്‍ എക്‌സിബിഷന്‍ നടത്തുന്നു

ഗര്‍ഭഛിദ്രവും കൃത്രിമ ഗര്‍ഭനിരോധനവും വ്യാപകമാക്കുവാനുള്ള ആരോഗ്യമന്ത്രിയുടെ പുതിയ പദ്ധതിയ്ക്കെതിരെ നൈജീരിയന്‍ ബിഷപ്പുമാര്‍ രംഗത്ത്

ഫ്രാന്‍സിസ് മാര്‍പാപ്പയുമായി ഫ്രഞ്ച് പ്രസിഡന്റ് സ്വകാര്യ കൂടികാഴ്ച നടത്തി; തീവ്രവാദി ആക്രമണങ്ങളില്‍ ആശ്വാസ പകര്‍ന്ന മാര്‍പാപ്പയെ നന്ദി അറിയിച്ചെന്ന് ഫ്രാൻസ്വ ഒലോൻദ്

ഫാ. ടോം ഉഴുന്നാലിന്റെ തിരോധാനം; ദുരൂഹത തുടരുന്നു

മാർ ജോസഫ് സ്രാമ്പിക്കലിന്റെ മെത്രാഭിഷേകത്തിനായി പ്രിസ്റ്റണ്‍ ഒരുങ്ങുന്നു; വിവിധ കമ്മിറ്റികൾ രൂപീകരിച്ചു

കോംഗോയില്‍ ക്രൈസ്തവര്‍ക്ക് നേരെ ഇസ്ലാമിക് തീവ്രവാദികളുടെ ആക്രമണം രൂക്ഷമാകുന്നു

അത്മായ-കുടുംബ വകുപ്പിന്റെ തലവനായി ബിഷപ്പ് കെവിന്‍ ജെ. ഫാരല്ലിനെ മാര്‍പാപ്പ നിയമിച്ചു

ദക്ഷിണ ഫിലിപ്പിന്‍സില്‍ ഇസ്ലാം മത വിശ്വാസികളെ ഭയന്ന്‍ ക്രൈസ്തവര്‍ ദുരിതത്തിലെന്ന് പുരോഹിതന്റെ വെളിപ്പെടുത്തല്‍