India - 2024
നാല്പതാം വെള്ളിയില് 'ഇതു നിങ്ങളോടുള്ള സ്നേഹം' ലൈറ്റ് ആന്ഡ് സൗണ്ട് ഷോ നടക്കും
സ്വന്തം ലേഖകന് 05-04-2017 - Wednesday
ഈര: ഈര ലൂർദ് മാതാ പള്ളിയിൽ നാൽപതാം വെള്ളി ശുശ്രൂഷകള്ക്ക് ശേഷം 'ഇതു നിങ്ങളോടുള്ള സ്നേഹം' എന്ന ലൈറ്റ് ആൻഡ് സൗണ്ട് ഷോ നടത്തും. സെലിബ്രൻസ് ഇന്ത്യ, ടീം ഹോളി സീൽ, സീറോ മലബാര് യൂത്ത് മൂവ്മെന്റ് എന്നിവരുടെ സംയുക്താഭിമുഖ്യത്തിലാണ് ഷോ നടത്തുക. ഫാ. ഷാജി തുമ്പേചിറയില് സംവിധാനം വഹിക്കുന്ന ദൃശ്യകലാവിരുന്നില് ഇരുന്നൂറിൽ പരം കലാകാരന്മാർ വേദിയിലെത്തും. ഈശോയുടെ പരസ്യജീവിതം, പീഡാസഹനം, കുരിശുമരണം, ഉത്ഥാനം എന്നീ രംഗങ്ങൾ കോർത്തിണക്കിയാണ് കലാവിരുന്ന് അരങ്ങേറുക.
1200 ചതുരശ്ര അടി വിസ്തീർണമുള്ള സ്റ്റേജിൽ ആധുനിക രംഗസജ്ജീകരണത്തോടെയാണ് ഒരുക്കിയിരിക്കുന്നത്. ശുശ്രൂഷകൾ കാണുവാന് എത്തുന്നവർക്ക് പാർക്കിങ് സൗകര്യവും ലഘുഭക്ഷണവും സംഘാടകർ ഒരുക്കിയിട്ടുണ്ട്. ഒന്നരമണിക്കൂർ ദൈർഘ്യമുള്ള കലാവിരുന്ന് എട്ടു മണിയോടുകൂടി സമാപിക്കും. പ്രവേശനം സൗജന്യമാണ്. കൂടുതൽ വിവരങ്ങൾക്ക് 9349599041, 9961028842 എന്നീ നമ്പരുകളിൽ ബന്ധപ്പെടുക.