കൊച്ചി: ഇരിങ്ങാലക്കുടയിൽ വൈദികന് നേരെ അജ്ഞാതസംഘം നടത്തിയ ആക്രമണത്തെ അപലപിച്ചു സീറോ മലബാർ യൂത്ത് മൂവ്മെന്‍റ് (എസ്എംവൈഎം) ദേശീയ സമിതി. ഫാ. ​​​ജോ​​​യ് വൈ​​​ദ്യ​​​ക്കാ​​​ര​​​നു നേരെ നടന്നത് ആസൂത്രിതമായ ആക്രമണമാണെന്നും സീറോ മലബാർ യൂത്ത് മൂവ്മെന്‍റ് (എസ്എംവൈഎം) ദേശീയ സമിതി വക്താക്കള്‍ ആരോപിച്ചു. സമർപ്പിതർക്കു നേരെ ആവർത്തിച്ചുണ്ടാകുന്ന ആക്രമണങ്ങളിലൂടെ ഭീകരാന്തരീക്ഷം സൃഷ്ടിക്കുന്നവരുടെ ഗൂഢലക്ഷ്യങ്ങൾ തിരിച്ചറിയണമെന്നും സഭയ്ക്കും സഭാശുശ്രൂഷകർക്കും സംരക്ഷണം നൽകാൻ യുവജനങ്ങൾ സന്നദ്ധരാകണമെന്നും സമിതി യോഗം ആവശ്യപ്പെട്ടു.

ദേശീയ പ്രസിഡന്‍റ് അരുണ്‍ ഡേവിസ് അധ്യക്ഷത വഹിച്ചു. ഡയറക്ടർ ഫാ. സെബാസ്റ്റ്യൻ കൈപ്പൻപ്ലാക്കൽ, ആനിമേറ്റർ സിസ്റ്റർ അഖില, ജനറൽ സെക്രട്ടറി വിപിൻ പോൾ, സമിതിയംഗങ്ങളായ അഭിലാഷ് ജോണ്‍, ജോസ്മോൻ ഫ്രാൻസിസ്, ബിവിൻ വർഗീസ്, അഞ്ജന ജോസഫ്, കാന്തി വർമ്മ, വിനോദ് റിച്ചാർഡ്സണ്‍, ടെൽമ ജോബി എന്നിവർ പ്രസംഗിച്ചു.

ഇ​​​രി​​​ങ്ങാ​​​ല​​​ക്കു​​​ട ഫ​​​യ​​​ർ സ്റ്റേ​​​ഷ​​​നു സ​​​മീ​​​പം പ്ര​​​വ​​​ർ​​​ത്തി​​​ക്കു​​​ന്ന സ്നേ​​​ഹ​​​ഭ​​​വ​​​ൻ ഐ​​​ടി​​​സി ഡ​​​യ​​​റ​​​ക്ട​​​ർ ഫാ. ​​​ജോ​​​യ് വൈ​​​ദ്യ​​​ക്കാ​​​ര​​​നു നേരെ ഇക്കഴിഞ്ഞ ശനിയാഴ്ച വൈ​​​കു​​ന്നേ​​രം ആ​​​റ​​​ര​​​യോ​​​ടെ​​​യാണ് ആക്രമണം ഉണ്ടായത്. സ്നേ​​​ഹ​​​ഭ​​​വ​​​ന്‍റെ വ​​​രാ​​​ന്ത​​​യി​​​ൽ നി​​​ൽ​​​ക്കു​​​ക​​​യാ​​​യി​​​രു​​​ന്ന ഫാ. ​​​ജോ​​​യി​​​യെ ബൈ​​​ക്കി​​​ലെ​​​ത്തി​​​യ ര​​​ണ്ടം​​​ഗ സം​​​ഘ​​​മാ​​​ണ് ആ​​​ക്ര​​​മി​​​ച്ച​​​ത്. ബൈ​​​ക്കി​​​ലെ​​​ത്തി​​​യ​​​വ​​​രി​​​ൽ ഒ​​​രാ​​​ൾ പൈ​​​പ്പ് വ​​​ടി​​​യു​​​മാ​​​യി ഓ​​​ടി​​​വ​​​ന്ന് ഫാ. ​​​ജോ​​​യി​​​യു​​​ടെ കൈ​​​യി​​​ലും കാ​​​ലി​​​ലും അ​​​ടി​​​ക്കുകയായിരുന്നു. സാ​​​ര​​​മാ​​​യി പ​​​രി​​​ക്കേ​​​റ്റ വൈ​​​ദികന്‍ തൃ​​​ശൂ​​​ർ അ​​​മ​​​ല മെ​​​ഡി​​​ക്ക​​​ൽ കോ​​​ള​​​ജില്‍ ചികിത്സയിലാണ്.