ലണ്ടന്‍: വൈകല്യമുള്ള ഗര്‍ഭസ്ഥ ശിശുക്കളോട് വിവേചനപരമായി പെരുമാറുന്നതിനെ എതിര്‍ക്കുന്ന ബില്‍ ബ്രിട്ടീഷ് പാർലമെന്റിൽ. ഹൗസ് ഓഫ് ലോഡ്‌സിൽ രണ്ടാംഘട്ട വായന കഴിഞ്ഞ ഈ ബിൽ ജീവന്റെ സംരക്ഷകരായി പ്രവര്‍ത്തിക്കുന്ന ആളുകള്‍ക്ക് ഏറെ സന്തോഷം നല്‍കുന്ന കാര്യമാണ്. ഗര്‍ഭസ്ഥശിശുവിന് വൈകല്യങ്ങളുണ്ടെങ്കില്‍, ജനിക്കുന്നതിനു തൊട്ടുമുമ്പു വരെ ഗര്‍ഭഛിദ്രത്തിലൂടെ ജീവനെ നശിപ്പിക്കുവാന്‍ ഇപ്പോള്‍ യുകെയിലെ നിയമം അനുവദിക്കുന്നുണ്ട്. ഇത്തരമൊരു നിയമത്തിനെതിരെയാണ് പുതിയ ബില്‍ കൊണ്ടുവന്നിരിക്കുന്നത്.

1967-ല്‍ പാസാക്കിയ ഗര്‍ഭഛിദ്ര നിയമത്തിലെ സെക്ഷന്‍ ഒന്നിന്റെ ഒന്നാം ഭാഗത്തിലെ ഡി വകുപ്പിനെതിരെയാണ് ഈ ബില്‍ അവതരിപ്പിച്ചിരിക്കുന്നത്. യുകെയിലെ നിയമ പ്രകാരം ആരോഗ്യമുള്ള ഒരു ഗര്‍ഭസ്ഥ ശിശുവിനെ 24 മാസത്തിനു ശേഷം ഗര്‍ഭഛിദ്രത്തിലൂടെ നശിപ്പിക്കുവാന്‍ സാധിക്കില്ല. എന്നാല്‍, ഗര്‍ഭസ്ഥ ശിശുവിന് ഒരു വൈകല്യമുണ്ടെന്ന് കണ്ടെത്തിയാല്‍ ജനിക്കുന്നതിനു തൊട്ടുമുമ്പു വരെ ജീവനെ നശിപ്പിക്കുന്നതിന് നിയമം അനുവദിക്കുന്നു. ഇത്തരമൊരു നിയമം ഗര്‍ഭാവസ്ഥയിലുള്ള കുഞ്ഞുങ്ങള്‍ക്ക് രണ്ടു തരം നീതിയാണ് നല്‍കുന്നതെന്ന് ലോഡ് ഷിന്‍ക്‌വിങ്‌സ് തന്റെ ബില്ലിലൂടെ സമർത്ഥിക്കുന്നു.

"ഒരു അമ്മയുടെ വയറ്റില്‍ വളരുന്ന ഒരു ആരോഗ്യവാനായ കുഞ്ഞും, വൈകല്യമുള്ള കുഞ്ഞും നിയമത്തിന്റെ കണ്ണില്‍ ഒരു പോലെ അല്ലേ ഉള്ളു. അങ്ങനെയിരിക്കേ 24 ആഴ്ച വളര്‍ച്ച പിന്നിട്ട ഒരു കുഞ്ഞിന് നിയമം എല്ലാ സംരക്ഷണവും നല്‍കുമ്പോള്‍, വൈകല്യമുള്ള ഒരു കുഞ്ഞിനെ എങ്ങനെ മാറ്റി നിര്‍ത്തുവാന്‍ സാധിക്കും". ലോര്‍ഡ് ഷിന്‍ക്‌വിംങ്‌സ് ഹൗസ് ഓഫ് ലോഡ്‌സില്‍ നടത്തിയ പ്രസംഗത്തില്‍ പറഞ്ഞു.

ഇത്തരം ഒരു വേര്‍ത്തിരിവിനെ ആരെങ്കിലും ന്യായീകരിക്കുന്നുവെങ്കില്‍, നിറത്തിന്റെയും ലിംഗത്തിന്റെയും മറ്റു പല കാര്യങ്ങളുടെയും പേരില്‍ ലോകത്ത് നടക്കുന്ന വേര്‍ത്തിരുവുകളേയും അവര്‍ അംഗീകരിക്കുമോ എന്നും ലോര്‍ഡ് ഷിന്‍ക്‌വിംങ്‌സ് ചോദിച്ചു. ഹൗസ് ഓഫ് ലോഡ്‌സില്‍ രണ്ടാംഘട്ട വായന കഴിഞ്ഞതോടെ ഈ ബില്‍ അടുത്ത ഭരണഘടനാ നടപടികളിലേക്ക് കടന്നിരിക്കുകയാണ്.

സംഗീതം സുവിശേഷവല്‍ക്കരണത്തിന്റെ ശക്തമായ ആയുധമാണെന്ന് വത്തിക്കാനിൽ നടന്ന ജൂബിലി ഓഫ് ദ ക്വയേഴ്‌സ് സമ്മേളനം

സാത്താന്‍ എന്നതൊരു വാസ്തവമാണെന്ന് വിവരിക്കുന്ന അന്തരിച്ച ലോകപ്രശസ്ത ഭൂതോച്ചാടന്‍ ഫാദര്‍ ഗബ്രിയേല്‍ അമോര്‍ത്തിന്റെ അവസാന പുസ്‌തകം ഏറെ ചര്‍ച്ച ചെയ്യപ്പെടുന്നു

വത്തിക്കാനില്‍ നിന്നും നിയമിച്ച ബിഷപ്പിനെ ചൈനീസ് ഭരണകൂടം അംഗീകരിച്ചു; ചാങ്‌സി രൂപതയുടെ പുതിയ ബിഷപ്പായി ഫാദര്‍ പീറ്റര്‍ ഡിംങ് അടുത്ത മാസം അഭിഷിക്തനാകും

ധൈര്യത്തോടെയുള്ള സുവിശേഷവല്‍ക്കരണം ഈ കാലഘട്ടത്തിന്റെ ആവശ്യമാണെന്നു ഫ്രാൻസിസ് മാർപാപ്പ

ഐഎസ് കീഴ്‌പ്പെടുത്തിവച്ചിരുന്ന രണ്ടു ക്രൈസ്തവ നഗരങ്ങള്‍ കൂടി ഇറാഖി സേന തിരിച്ചുപിടിച്ചു; ബാര്‍ട്ടെല്ലായില്‍ വര്‍ഷങ്ങള്‍ക്ക് ശേഷം ദേവാലയ മണി മുഴങ്ങി

ഏഴു വര്‍ഷം ജയിലിലായിരുന്ന സുവിശേഷ പ്രവര്‍ത്തക യാംഗ് റോങ്കിളിയെ ചൈനീസ് സര്‍ക്കാര്‍ മോചിപ്പിച്ചു; മോചിതയായ യാംഗ് ഏറെ അവശയാണെന്ന് റിപ്പോര്‍ട്ടുകള്‍

തീവ്രവാദികള്‍ ഒളിച്ചിരിക്കുവാന്‍ കയറിയ മുറിയിലകപ്പെട്ട എഴ് ഇറാഖി പെണ്‍കുട്ടികളും മാതാവിനോട് മാധ്യസ്ഥം തേടി, ചെറു പോറല്‍ പോലും ഏല്‍ക്കാതെ രക്ഷപെട്ടു

വിശ്വാസത്തെ കേവലം നിയമങ്ങളുടെയും നിബന്ധനകളുടെയും അടിസ്ഥാനത്തിലേക്ക് ഒതുക്കിനിറുത്തരുത്: ഫ്രാന്‍സിസ് മാര്‍പാപ്പ

ചൈനീസ് സര്‍ക്കാര്‍ നിയമിച്ച ബിഷപ്പുമാര്‍ക്ക് വത്തിക്കാന്റെ അംഗീകാരം ലഭിച്ചേക്കുമെന്ന് റിപ്പോര്‍ട്ട്

ഭാരതത്തിന്റെ വടക്കുകിഴക്കന്‍ മേഖലയില്‍ കത്തോലിക്ക സഭ ശക്തമായ വളര്‍ച്ച പ്രാപിക്കുന്നതായി ആര്‍ച്ച് ബിഷപ്പ് തോമസ് മേനംപറമ്പില്‍