വാഷിംഗ്‌ടണ്‍ ഡി.സി: മത തീവ്രവാദ ഭരണത്തിന്‍ കീഴിലാകുവാന്‍ പോകുന്ന അഫ്ഗാന്‍ ജനതയുടെ അവസ്ഥയില്‍ കടുത്ത ആശങ്ക പ്രകടിപ്പിച്ച് യുഎസ് മിലിട്ടറി സര്‍വീസസ് മെത്രാപ്പോലീത്ത തിമോത്തി ബ്രോഗ്ലിയോ. രാജ്യത്തെ ജനങ്ങളുടെ മാനുഷികാന്തസ്സ് ബഹുമാനിക്കപ്പെടേണ്ടതാണെന്നും അഫ്ഗാനിസ്ഥാന്റെ പതനവും തെരഞ്ഞെടുക്കപ്പെട്ട നേതാക്കളുടെ പലായനവും ആശങ്കക്ക് കാരണമായിട്ടുണ്ടെന്നും, മനുഷ്യാവകാശങ്ങള്‍ പ്രത്യേകിച്ച് സ്ത്രീകളുടേയും, പെണ്‍കുട്ടികളുടേയും നിഷേധിക്കപ്പെടുവാന്‍ സാധ്യതയുണ്ടെന്നും രണ്ടു പ്രാവശ്യം അഫ്ഗാന്‍ സന്ദര്‍ശിച്ചിട്ടുള്ള ആര്‍ച്ച് ബിഷപ്പ് പ്രസ്താവിച്ചു. അഫ്ഗാന്‍ ജനതയ്ക്കു സുസ്ഥിരതയും, സമാധാനവും കൊണ്ടുവരുന്നതിനായി ജീവന്‍ പോലും നഷ്ടപ്പെടാവുന്ന ത്യാഗങ്ങള്‍ സഹിക്കുന്ന സായുധ സേനാംഗങ്ങളെ കുറിച്ചുള്ള തന്റെ മതിപ്പ് ശരിവെക്കുന്നതായിരുന്നു അഫ്ഗാനില്‍ താന്‍ നടത്തിയ രണ്ടു സന്ദര്‍ശനങ്ങളുമെന്നും മെത്രാപ്പോലീത്തയുടെ പ്രസ്താവനയില്‍ പറയുന്നുണ്ട്.

അഫ്ഗാന്‍ ജനതക്ക് വേണ്ടി പ്രാര്‍ത്ഥിക്കുവാനും, അവിടെ നടന്നു കൊണ്ടിരിക്കുന്ന സഹായ പ്രവര്‍ത്തനങ്ങളെ പ്രത്യേകിച്ച് ക്രൈസ്തവ സന്നദ്ധ സംഘടനകള്‍ വഴിയുള്ള പ്രവര്‍ത്തങ്ങളെ പിന്തുണക്കുവാനും മാത്രമേ ഈ അവസരത്തില്‍ കഴിയുകയുള്ളൂ. അഫ്ഗാനിസ്ഥാനില്‍ ഇപ്പോഴും അഭയാര്‍ത്ഥികളുടെ പ്രതിരോധത്തിനും രാജ്യത്തിന്റെ സ്വത്തുവകകളുടെ സംരക്ഷണത്തിനായും നിലകൊള്ളുന്ന അമേരിക്കന്‍ സായുധ സേനാംഗങ്ങളുടെ കാര്യത്തില്‍ തനിക്ക് കടുത്ത ആശങ്കയുണ്ട്. രാജ്യം വിട്ടുപോകുവാന്‍ ആഗ്രഹിക്കുന്നവര്‍ക്ക് അക്രമങ്ങള്‍ കൂടാതെ സുരക്ഷിതമായും സമാധാനപരമായും രാജ്യം വിട്ടുപോകാന്‍ കഴിയട്ടേ എന്ന പ്രാര്‍ത്ഥനയോടെയാണ് മെത്രാപ്പോലീത്തയുടെ പ്രസ്താവന അവസാനിക്കുന്നത്.

അമേരിക്കൻ ഐക്യനാടുകളിലെ സായുധ സേനയിൽ സേവനമനുഷ്ഠിക്കുന്നവർക്കും അവരുടെ ആശ്രിതർക്കും കത്തോലിക്കാ സഭയുടെ ഇടയ ആത്മീയ സേവനങ്ങൾ നല്‍കുന്നതിന് വേണ്ടി രൂപീകരിക്കപ്പെട്ടതാണ് യു‌എസ് മിലിട്ടറി ഓർഡിനേറിയറ്റ്. സൈനിക നാവിക വ്യോമസേനകള്‍ തുടങ്ങീ എല്ലാ മേഖലകളിലെയും സേനകള്‍ക്ക് മിലിട്ടറി ഓർഡിനേറിയറ്റ് അജപാലക ശുശ്രൂഷ ലഭ്യമാക്കുന്നുണ്ട്. ശുശ്രൂഷയുടെ ഭാഗമായി ആര്‍ച്ച് ബിഷപ്പ് തിമോത്തി ബ്രോഗ്ലിയോ രണ്ടു തവണ അഫ്ഗാനിസ്ഥാനില്‍ ഇടയ സന്ദര്‍ശനം നടത്തിയിരിന്നു. അതേസമയം അഫ്ഗാനിസ്ഥാനിലെ അരക്ഷിതാവസ്ഥയില്‍ യു‌എസ് മെത്രാന്‍ സമിതി പ്രാര്‍ത്ഥനാഹ്വാനം നടത്തി. രാജ്യത്തെ ജനങ്ങള്‍ക്ക് വേണ്ടിയുള്ള പ്രാര്‍ത്ഥനകള്‍ തുടരാമെന്നും, സമാധാനത്തിനായി നമുക്കൊരുമിച്ച് പ്രാര്‍ത്ഥിക്കാമെന്നും അമേരിക്കന്‍ മെത്രാന്‍ സമിതി കഴിഞ്ഞ ദിവസം ട്വീറ്റ് ചെയ്തിരിന്നു.

പ്രവാചക ശബ്ദത്തിൽ പ്രസിദ്ധീകരിക്കുന്ന വാർത്തകളും ലേഖനങ്ങളും വീഡിയോകളും പ്രവാചകശബ്ദത്തിന്റെ മൊബൈൽ ആപ്പിലൂടെ നിങ്ങൾക്ക് നേരിട്ട് ലഭിക്കും. ‍

☛ ആന്‍ഡ്രോയിഡ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍
☛ ഐ‌ഓ‌എസ് വേര്‍ഷനിലുള്ള ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍

പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

ദക്ഷിണ സുഡാനില്‍ രണ്ടു കത്തോലിക്ക സന്യാസിനികള്‍ കൊല്ലപ്പെട്ടു: ദുഃഖം പ്രകടിപ്പിച്ച് പാപ്പ

സ്ഥിതിഗതികൾ കുഴഞ്ഞുമറിയുന്നു: അഫ്ഗാനില്‍ നിന്നും ജാര്‍ഖണ്ഡ് സ്വദേശിയായ ജെസ്യൂട്ട് വൈദികന്റെ സന്ദേശം

ഭൂകമ്പത്തിനിരയായ ഹെയ്തിയ്ക്കു അഞ്ചുലക്ഷം ഡോളറിന്റെ അടിയന്തര സഹായവുമായി പൊന്തിഫിക്കല്‍ സംഘടന

മുസ്ലിങ്ങള്‍ ഇത്രയ്ക്ക് ഭയക്കുന്നുണ്ടെങ്കില്‍ ന്യൂനപക്ഷങ്ങളുടെ അവസ്ഥ?: അഫ്ഗാനിലെ ക്രൈസ്തവരുടെ സുരക്ഷയിൽ ആശങ്കയുമായി സന്നദ്ധ സംഘടന

മാർപാപ്പയുടെ നിർദ്ദേശം അനുസരിക്കാൻ സഭയ്ക്കു മുഴുവനുമുള്ള കടമ ഓര്‍മ്മിപ്പിച്ച് കർദ്ദിനാൾ ജോര്‍ജ്ജ് ആലഞ്ചേരി

നിരപരാധികളായിട്ടും ഏഴു വര്‍ഷം വേട്ടയാടപ്പെട്ട പാക്ക് ക്രിസ്ത്യന്‍ ദമ്പതികള്‍ക്ക് യൂറോപ്പില്‍ പുതുജീവിതം

അമേരിക്കയിലെ പോര്‍ട്ട്‌ലാന്‍റിൽ ക്രൈസ്തവ വിശ്വാസികൾക്ക് നേരേ ആന്റിഫ പ്രവർത്തകരുടെ ആക്രമണം

‘ഇസ്ലാമിക് എമിറേറ്റ് ഓഫ് അഫ്ഗാനിസ്ഥാൻ’ പ്രഖ്യാപനവുമായി താലിബാന്‍: രാജ്യത്തെ ദുരവസ്ഥയില്‍ ദുഃഖം പ്രകടിപ്പിച്ച് പാപ്പ

താലിബാൻ തീവ്രവാദികള്‍ അധികാരത്തിനരികെ: ജനങ്ങളെ കാത്തിരിക്കുന്നത് ശരിയത്ത് അടക്കമുള്ള കിരാത നിയമങ്ങള്‍: അഫ്ഗാന് വേണ്ടി പ്രാര്‍ത്ഥനയോടെ ലോകം

കര്‍ദ്ദിനാള്‍ റെയ്മണ്ട് ബുര്‍ക്കെ വെന്റിലേറ്ററില്‍: പ്രാര്‍ത്ഥനയോടെ വിശ്വാസികള്‍