2017 ഫെബ്രുവരി 7-ന് ബുര്‍ക്കിനാ ഫാസോയുടെ അതിര്‍ത്തിക്കടുത്ത് തെക്കന്‍ മാലിയിലെ കരങ്ങാസ്സോയിലെ ഭവനത്തില്‍ നിന്നുമാണ് ഫ്രാന്‍സിസ്കന്‍ സിസ്റ്റേഴ്സ് ഓഫ് മേരി ഇമ്മാക്കുലേറ്റ് സഭാംഗമായ സിസ്റ്റര്‍ ഗ്ലോറിയ സെസില്ലയെ ജിഹാദികള്‍ തട്ടിക്കൊണ്ട് പോയത്. ആതുരസേവനം, അനാഥകുട്ടികളുടെ സംരക്ഷണം തുടങ്ങിയ സാമൂഹ്യസേവന മേഖലകളില്‍ വര്‍ഷങ്ങളായി മാലിയില്‍ പ്രേഷിതപ്രവര്‍ത്തനം നടത്തിവരികയായിരുന്നു സിസ്റ്റര്‍ സെസില്ല. നേരത്തെ ഫ്രഞ്ച് പ്രസിഡന്റ് ഇമ്മാനുവല്‍ മാക്രോണിന്റെ സന്ദര്‍ശനത്തിന് മുന്‍പായി കഴിഞ്ഞ ജൂലൈ മാസത്തിലും സിസ്റ്റര്‍ സെസ്സില്ലയുടെ വീഡിയോ തീവ്രവാദികള്‍ പുറത്തുവിട്ടിരുന്നു.
