നിങ്ങള്‍ യേശുവിനോടോപ്പമായിരിക്കുകയും, അവന്റെ വാക്കുകള്‍ ശ്രവിക്കുകയും ചെയ്യുകയാണെങ്കില്‍ നിങ്ങള്‍ അനുഗ്രഹീതരായിരിക്കും. ലൗകീകതകൊണ്ട് വിശുദ്ധിയെ അളക്കുവാന്‍ കഴിയില്ലെന്ന് യേശുവിന്റെ ജീവിതം നമ്മെ പഠിപ്പിക്കുന്നു. ജീവിതത്തില്‍ വിജയിച്ചവരും, സമ്പന്നരും, അധികാരവും, ശക്തിയും ഉള്ളവര്‍ മാത്രമാണ് അനുഗ്രഹീതരെന്ന തോന്നല്‍ തെറ്റാണെന്ന് വിശുദ്ധരുടെ ജീവിതം വ്യക്തമാക്കുന്നു. പാവങ്ങളും, എളിമയും, നീതിയുമുള്ളവര്‍ക്കും, സഹനമനുഭവിക്കുന്നവര്‍ക്കും വിശുദ്ധ പദവി പ്രാപ്യമാണ്.
വിശുദ്ധി എന്നുള്ളത് ഒരു ഭാവി അവസ്ഥയല്ലെന്നും, ഇപ്പോള്‍ നിലനില്‍ക്കുന്ന ഒരു യാഥാര്‍ത്ഥ്യമാണെന്നും പാപ്പ ഓര്‍മ്മിപ്പിച്ചു. സമാധാനവും, ഐക്യവും കാത്തുസൂക്ഷിക്കുവാന്‍ യുഎഇ ജനതയോടും, വേര്‍തിരിവുകളില്ലാത്ത ക്രൈസ്തവരായി ജീവിക്കുവാന്‍ വിശ്വാസികളോടും ആഹ്വാനം ചെയ്തുകൊണ്ടാണ് പാപ്പ തന്റെ പ്രസംഗം അവസാനിപ്പിച്ചത്. ഫിലിപ്പീന്‍സില്‍ നിന്നും ഇന്ത്യയില്‍ നിന്നുമുള്ള വിശ്വാസികളായിരുന്നു വിശുദ്ധ കുര്‍ബാനയില്‍ പങ്കെടുത്തവരില്‍ ഭൂരിഭാഗം പേരും.
