മാനില: ഫിലിപ്പിയന്‍സില്‍ കുറ്റവാളികളെ അകാരണമായി വെടിവെച്ച് കൊലപ്പെടുത്തുന്ന സംഭവങ്ങള്‍ക്കെതിരെ കത്തോലിക്ക മെത്രാൻമാർ രംഗത്ത്. മാനില കര്‍ദിനാള്‍ ലൂയിസ് അന്റോണിയോ എഴുത്തിലൂടെ നിയമപാലകരോട് ഇത്തരം നടപടികള്‍ അവസാനിപ്പിക്കണമെന്ന് ആവശ്യപ്പെട്ടു. ഇതു കൂടാതെ ഈ കഴിഞ്ഞ ചൊവ്വാഴ്ച മുതല്‍ ഒന്‍പതു ദിവസത്തേക്ക് പ്രത്യേക നൊവേനകള്‍ നടത്തിയുള്ള പ്രാര്‍ത്ഥനയ്ക്കും ഫിലിപ്പിയന്‍സില്‍ തുടക്കം കുറിച്ചിട്ടുണ്ട്. രാജ്യത്ത് പുതിയതായി തെരഞ്ഞെടുക്കപ്പെട്ടിരിക്കുന്ന ഭരണാധികാരികള്‍ അധികാരത്തില്‍ പ്രവേശിക്കുന്നതിനു മുമ്പ് നൊവേന അവസാനിക്കുന്ന രീതിയിലുള്ള ക്രമീകരണമാണ് ചെയ്തിരിക്കുന്നത്.

ആളുകളെ വ്യക്തമായ കാരണങ്ങള്‍ ഇല്ലാതെ വെടിവയ്ക്കുവാന്‍ പാടില്ലെന്ന നിയമം നിലനില്‍ക്കുമ്പോള്‍ പോലീസ് ഉദ്യോഗസ്ഥര്‍ ഇത് ചെയ്യുന്നത് ന്യായീകരിക്കുവാന്‍ കഴിയാത്ത പ്രവര്‍ത്തിയാണെന്ന് ബിഷപ്പ് തന്റെ കത്തില്‍ സൂചിപ്പിക്കുന്നു. വ്യക്തമായ കാരണവും അതിലുമുപരി മനുഷ്യത്വപരമായ സമീപനവും മുന്‍നിര്‍ത്തിയെ പോലീസ് വെടിവയ്പ്പ് നടത്തുവാന്‍ പാടുള്ളു എന്നു കത്തില്‍ സൂചിപ്പിക്കുന്നു. മൂന്നു കാരണങ്ങളുടെ അടിസ്ഥാനത്തില്‍ മാത്രമേ വെടിവയ്പ്പ് നടത്തുവാന്‍ പാടുള്ളുവെന്ന് നിയമം വ്യക്തമായി നിഷ്‌കര്‍ഷിക്കുന്നുണ്ട്. കാരണം കൂടാതെ ഒരു വ്യക്തി വേഗത്തില്‍ അക്രമം അഴിച്ചു വിടുക. മറ്റുള്ളവരുടെ ജീവന് ഭീഷണിയായി ഒരാള്‍ വേഗത്തില്‍ പ്രവര്‍ത്തിക്കുക, തോക്കു ചൂണ്ടി മറ്റുള്ളവരെ ഭീഷണിപ്പെടുത്തുമ്പോള്‍ ഇതിനെ മറികടക്കുവാന്‍ വേണ്ടി, ഭീഷണിപ്പെടുത്തുന്ന ആളിനു നേരെ വെടിയുതിര്‍ക്കുക. ഈ സാഹചര്യങ്ങള്‍ ഒന്നും നിലനില്‍ക്കാതെ തന്നെ പോലീസ് പലപ്പോഴും കുറ്റവാളികള്‍ എന്നു മുദ്രകുത്തി ആളുകളെ കൊലപ്പെടുത്തുന്നുവെന്നാണ് ഇപ്പോള്‍ ഉയര്‍ന്നിരിക്കുന്ന ആരോപണം.

ഉടന്‍ തന്നെ അധികാരമേല്‍ക്കുന്ന പുതിയ പ്രസിഡന്റ് റോഡ്രിഗോ ഡ്യൂട്ടേര്‍ട്ടിനെ സന്തോഷിപ്പിക്കുന്ന എന്ന ലക്ഷ്യത്തോടെയാണ് പോലീസ് ഇത്തരത്തില്‍ പ്രവര്‍ത്തിക്കുന്നതെന്ന് റോയിറ്റേഴ്‌സ് ഉള്‍പ്പെടെയുള്ള പല മാധ്യമങ്ങളും റിപ്പോര്‍ട്ട് ചെയ്യുന്നു. പുതിയ പ്രസിഡന്റായി ഡ്യുട്ടേര്‍ട്ട് വന്‍ ഭൂരിപക്ഷത്തില്‍ തെരഞ്ഞെടുക്കപ്പെട്ടത് മേയ് ഒന്‍പതാം തീയതിയാണ്. അതിനു ശേഷം 39 പേര്‍ പോലീസിന്റെ വെടിയേറ്റ് കൊല്ലപ്പെട്ടു. എന്നാല്‍ ഈ വര്‍ഷം ജനുവരി ഒന്നു മുതല്‍ ഡ്യൂട്ടേര്‍ട്ട് തെരഞ്ഞെടുക്കപ്പെട്ട മേയ് ഒന്‍പതു വരെ 29 പേരാണ് പോലീസിന്റെ വെടിയേറ്റ് രാജ്യത്ത് കൊല്ലപ്പെട്ടിരുന്നത്. ഡ്യൂട്ടേര്‍ട്ട് തെരഞ്ഞെടുക്കപ്പെട്ട് ഒരു മാസം കഴിഞ്ഞപ്പോഴേക്ക് തന്നെ, അഞ്ചു മാസങ്ങളില്‍ ആകെ കൊല്ലപ്പെട്ട ആളുകളെക്കാള്‍ അധികം പേര്‍ പോലീസിന്റെ നരനായാട്ടില്‍ മരിച്ചു വീണു.

കത്തോലിക്ക സഭയുമായി ശക്തമായ എതിര്‍പ്പുള്ള വ്യക്തിയാണ് ഡവായോ മുന്‍ മേയര്‍ കൂടിയായ റോഡ്രിഗോ ഡ്യുട്ടേര്‍ട്ട്. 2014-ല്‍ അദ്ദേഹം മുസ്ലീം ഭൂരിപക്ഷ പ്രദേശമായ മിന്‍ഡനാവോയ്ക്ക് സ്വയംഭരണാവകാശം നല്‍കുവാന്‍ നടത്തിയ പദ്ധതികള്‍ ഭരണതലത്തില്‍ പരാജയപ്പെട്ടിരുന്നു. രാജ്യത്ത് ഭ്രൂണഹത്യക്കും, ഗര്‍ഭനിരോധനത്തിനും ഇപ്പോള്‍ ഉള്ളകിലും കൂടുതല്‍ സ്വാതന്ത്ര്യം നല്‍കുമെന്ന് പ്രഖ്യാപിച്ചിരിക്കുന്ന ഡ്യൂട്ടേര്‍ട്ട് വധശിക്ഷയുടെ കാര്യത്തില്‍ ഇപ്പോള്‍ ഉള്ള മൊറട്ടോറിയം പിന്‍വലിക്കുകയും കൂടുതല്‍ പേരെ തൂക്കിലേറ്റുകയും ചെയ്യുമെന്ന് പ്രഖ്യാപിച്ചിട്ടുണ്ട്.

ക്രൈസ്തവര്‍ യോഗ അഭ്യസിക്കരുതെന്ന് മിസോറാമിലെ ക്രൈസ്തവ കൂട്ടായ്മ

146 വര്‍ഷം പഴക്കമുള്ള യുഎസ് സെമിനാരി മാറ്റി സ്ഥാപിക്കുവാനൊരുങ്ങുന്നു

അന്വേഷിച്ച് നടന്ന പല ചോദ്യങ്ങളുടെയും ഉത്തരം ലഭിച്ചത് മദര്‍ തെരേസയുടെ ജീവിതത്തില്‍ നിന്ന്‍: പ്രശസ്ത മനുഷ്യാവകാശ പ്രവര്‍ത്തക റെഗ്ഗി ലിറ്റില്‍ ജോണ്‍

യുദ്ധം മറന്ന് രാജ്യപുരോഗതിക്കായി ഒന്നിക്കുവാന്‍ ജനങ്ങളോട് ദക്ഷിണ സുഡാന്‍ ബിഷപ്പുമാരുടെ ആഹ്വാനം; സുഡാനികളോടുള്ള വിവേചനം അവസാനിപ്പിക്കണമെന്നും ആവശ്യം

'ലൗദാത്തോ സീ' പുറത്തിറങ്ങിയിട്ട് ഒരു വര്‍ഷം; വാര്‍ഷികത്തില്‍ വത്തിക്കാന്‍ പുതിയ ഓണ്‍ലൈന്‍ സൈറ്റ് ആരംഭിച്ചു

മറ്റുള്ളവരെ വിധിക്കുന്നതിനു മുമ്പ് ആദ്യം സ്വയം കണ്ണാടിയിൽ നോക്കുക: ഫ്രാന്‍സിസ് മാര്‍പാപ്പ

ശ്രീലങ്കയില്‍ നിന്നും ഗള്‍ഫിലേക്ക് വീട്ടുജോലിക്കായി പോകുന്ന സ്ത്രീകളുടെ സുരക്ഷ സര്‍ക്കാര്‍ ഉറപ്പു വരുത്തണം: കാരിത്താസ്

ക്രൈസ്തവരും മുസ്ലീങ്ങളും മറ്റുള്ളവരോട് കരുണയുള്ളവരായിരിക്കണമെന്നതാണ് ദൈവഹിതം: കര്‍ദിനാള്‍ ജിയാന്‍ ലൂയിസ്

ഓര്‍ത്തഡോക്‌സ് സഭകളുടെ ആഗോള സമ്മേളനത്തിന് പ്രാര്‍ത്ഥനാശംസകള്‍ അറിയിക്കുന്നതായി മാര്‍പാപ്പ

ഫാദര്‍ ടോം ഉഴുന്നാലിന്റെ ഫേസ്ബുക്ക് അക്കൌണ്ടില്‍ നിന്നും സന്ദേശങ്ങള്‍; ടോം അച്ചന് വേണ്ടി സംസാരിക്കുന്നുവെന്ന് അജ്ഞാതന്‍