മുസഫ: ജപമാല മാസമായ ഒക്ടോബറില്‍ അബുദാബി മുസഫയില്‍ സ്ഥിതി ചെയ്യുന്ന സെന്റ് പോള്‍സ് കത്തോലിക്കാ ദേവാലയത്തില്‍ അമ്പത്തിഅഞ്ച് സ്ത്രീകള്‍ ചേര്‍ന്ന് നിര്‍മ്മിച്ചതു മൂവായിരത്തോളം ജപമാലകള്‍. 20 ദിവസം കൊണ്ട് നിര്‍മ്മിച്ച ഈ ജപമാലകള്‍ മുപ്പതാം തിയ്യതി ജപമാല മാസ സമാപനത്തോടനുബന്ധിച്ച് പള്ളിയില്‍ വിശുദ്ധ കുര്‍ബ്ബാനയര്‍പ്പിക്കുവാന്‍ എത്തിയ വിശ്വാസികള്‍ക്ക് വിതരണം ചെയ്യപ്പെടുകയുണ്ടായി.

ജീവിതത്തിന്റെ തിരക്കുകള്‍ മാറ്റിവെച്ച് ഒക്ടോബര്‍ ഒന്നാം തിയ്യതി മുതല്‍ ആരംഭിച്ച 55 പേരുടെ ദൌത്യം 3000 കൊന്ത എന്ന ലക്ഷ്യത്തിലെത്തിയപ്പോള്‍ അവര്‍ക്ക് പിന്തുണയുമായി കപ്പൂച്ചിന്‍ സന്യാസ സമൂഹത്തിന്റെ ആലുവ സെന്റ് തോമസ് പ്രൊവിന്‍സ് അംഗവും മലയാളി സമൂഹത്തിന്റെ ഇടയനുമായ ഫാ. ജോണ്‍ പടിഞ്ഞാക്കരയും ഉണ്ടായിരിന്നുവെന്നത് ശ്രദ്ധേയമാണ്.

ഇടവകാ സമൂഹത്തിനു വേണ്ട ജപമാലകള്‍ ഇടവകയില്‍ തന്നെ നിര്‍മ്മിച്ച് എല്ലാവരിലേക്കും എത്തിക്കുക എന്ന ഒരാശയം രൂപം കൊണ്ടത് ഫാ.ജോണ്‍ വഴി തന്നെയായിരിന്നു. തുടര്‍ന്നു ഇടവകാംഗമായ ഒരു സഹോദരിയ്ക്ക് ജപമാല നിര്‍മ്മിക്കാന്‍ അറിയാമെന്ന്‍ മനസ്സിലാക്കിയ അദ്ദേഹം അവരെയും അമ്പത്തഞ്ചോളം സ്ത്രീകളെയും ചേര്‍ത്ത് എകദിന പരിശീലനം നല്‍കി പദ്ധതിക്കു ആരംഭം കുറിക്കുകയായിരിന്നു.

തിരക്കുകള്‍ മാറ്റിവെച്ചു പരിശുദ്ധ അമ്മയോടുള്ള ഭക്തി പ്രകടമായ സാക്ഷ്യമാക്കി മാറ്റാന്‍ ജപമാല മാസം ഇവര്‍ തിരഞ്ഞെടുത്തപ്പോള്‍ ചുരുങ്ങിയ ദിവസങ്ങള്‍ കൊണ്ട് തന്നെ 3000 ജപമാല എന്ന ലക്ഷ്യത്തില്‍ എത്തിചേരുകയായിരിന്നു. കൊന്തയുണ്ടാക്കുന്നതിന് ആവശ്യമായ മുത്തും കുരിശും നൂലും കേരളത്തില്‍ നിന്ന് എത്തിച്ചു. കൊന്തയില്‍ ഉപയോഗിച്ച ലോക്കറ്റില്‍ ഒരു വശത്ത് പരിശുദ്ധ ദൈവമാതാവിന്റെ മാതാവിന്റെ ചിത്രവും, മറുവശത്ത് ഇടവകയുടെ ലോഗോയും ചേര്‍ത്താണ് നിര്‍മ്മിച്ചിരിക്കുന്നത്. എല്ലാ ജപമാലയിലും ബനഡിക്ടന്‍ കുരിശാണ് ഉപയോഗിച്ചിരിക്കുന്നത്.

ഇംഗ്ലീഷ്, കൊങ്ങിണി, അറബിക്, ശ്രീലങ്കന്‍ തുടങ്ങിയ വിവിധ ഭാഷകളില്‍ ബലിയര്‍പ്പിക്കപ്പെടുകയും, പലരാജ്യങ്ങളില്‍ നിന്നുള്ള വിശ്വാസികള്‍ ഒരുമിച്ചുകൂടുകയും ചെയ്യുന്ന സെന്‍റ് പോള്‍സ് ദേവാലയത്തില്‍, മൂവായിരത്തിലേറെ മലയാളി വിശ്വാസ സമൂഹമാണുള്ളത്. നേരത്തെ കഴിഞ്ഞ മെയ് മാസത്തില്‍ ഇടവകാംഗങ്ങള്‍ ശേഖരിച്ച മൂവായിരത്തിലേറെ വ്യത്യസ്ഥമായ മാതാവിന്റെ ചിത്രങ്ങള്‍ ഉപയോഗിച്ച് നടത്തിയ എക്‌സിബിഷന്‍ ഏറെ ശ്രദ്ധിക്കപ്പെട്ടിരിന്നു.

ഐഎസ് ഭീകരരില്‍ നിന്നും മോചിതമായ ക്വാരഖോഷിലെ ദേവാലയത്തില്‍ രണ്ട് വര്‍ഷങ്ങള്‍ക്ക് ശേഷം വിശുദ്ധ കുര്‍ബാന അര്‍പ്പിച്ചു

വരാപ്പുഴ അതിരൂപതയുടെ പുതിയ ഇടയനായി ഡോ.ജോസഫ് കളത്തിപ്പറമ്പിലിനെ തിരഞ്ഞെടുത്തു

ഫിലിപ്പീന്‍സിന് പുറത്തു താമസിക്കുന്ന വിശ്വാസികള്‍ക്ക് മരിച്ചുപോയ പ്രിയപ്പെട്ടവരെ സ്മരിക്കാന്‍ 'വിര്‍ച്വല്‍ സെമിത്തേരി' സൗകര്യം

ഇറ്റലിയിലുണ്ടായ ശക്തമായ ഭൂചലനത്തില്‍ നൂറ്റാണ്ടുകള്‍ പഴക്കമുള്ള വിശുദ്ധ ബനഡിക്റ്റിന്റെ ബസലിക്ക തകര്‍ന്നു

തിരുകല്ലറയുടെ പുനരുദ്ധാരണ പ്രവര്‍ത്തികള്‍ അടുത്ത വർഷം ആദ്യത്തോടെ പൂർത്തിയായേക്കും

വത്തിക്കാനിൽ ആരാധനക്രമ തിരുസംഘത്തിൽ പൂർണ്ണമായ അഴിച്ചുപണി: ഫ്രാന്‍സിസ് മാര്‍പാപ്പ 27 പുതിയ അംഗങ്ങളെ നിയോഗിച്ചു

കത്തോലിക്ക വിശ്വാസത്തിലേക്ക് തന്നെ നയിച്ചത് പത്രോസിന്റെ പിന്‍ഗാമിയാല്‍ നയിക്കപ്പെടണമെന്ന ചിന്ത: പ്രശസ്ത നിയമാധ്യാപകന്‍ അഡ്രിയാന്‍ വെര്‍മിയൂള്‍

പാക്കിസ്ഥാനില്‍ മതനിന്ദാ കുറ്റം ചുമത്തപ്പെട്ട അമ്മയേയും മകനേയും ശക്തമായ സമ്മര്‍ദ്ദങ്ങളെ തുടര്‍ന്ന് മോചിപ്പിച്ചു

മാര്‍ സ്റ്റീഫന്‍ ചിറപ്പണത്തിന്റെ സ്ഥാനാരോഹണം നവംമ്പര്‍ ഒന്നിന്; ഒരുക്കങ്ങള്‍ സജീവം

ദിവ്യകാരുണ്യത്തിന്റെ അത്ഭുത ശക്തിയെ പറ്റി പെന്തക്കോസ്ത പാസ്റ്റര്‍ നടത്തിയ പ്രഭാഷണം സാമൂഹ്യ മാധ്യമങ്ങളില്‍ ചര്‍ച്ചയാകുന്നു