വാഷിംഗ്ടണ്‍ ഡി‌.സി: താലിബാന്‍ തീവ്രവാദികളുടെ അധിനിവേശത്തിനിടെ അഫ്ഗാനിസ്ഥാനിൽ നിന്ന് ക്രൈസ്തവർ ഉൾപ്പെടെ 30 പേരെ രക്ഷിച്ചുവെന്നു മുൻ യു‌എസ് സൈനികന്റെ വെളിപ്പെടുത്തല്‍. ഇതിനിടെ താലിബാന്‍റെ ചാട്ടവാര്‍ പ്രഹരത്തിന് ഇരയായെന്നും മുൻ യുഎസ് സൈനികൻ ഫോക്സ് ന്യൂസിനോട് വെളിപ്പെടുത്തി. താലിബാൻ ഭീഷണി പേടിച്ച് കുടുംബാംഗങ്ങൾ അഫ്ഗാൻ തലസ്ഥാനമായ കാബൂളില്‍ ഒളിച്ചു കഴിയുകയായിരുന്നു. അഫ്ഗാനിസ്ഥാനിൽ അമേരിക്കൻ സൈനികർ ഒന്നും അവശേഷിക്കുന്നില്ലായെന്ന് ആളുകൾ പറയുന്നുണ്ടെങ്കിലും, എന്തു സഹായം ചെയ്യാനാണെങ്കിലും താൻ അവിടെ ഉണ്ടെന്നും, താൻ എടുത്ത പ്രതിജ്ഞ ഒരിക്കലും മറക്കില്ലായെന്നും സൈനികൻ ഫോക്സ് ന്യൂസിനോട് പറഞ്ഞു.

സുരക്ഷാകാരണങ്ങളാൽ അദ്ദേഹത്തിന്റെ വ്യക്തിപരമായ വിവരങ്ങൾ ചാനൽ പുറത്തുവിട്ടിട്ടില്ല. സൈനികൻ രക്ഷിച്ചവരിൽ കത്തോലിക്കാ വിശ്വാസികളും, മറ്റ് ക്രൈസ്തവ വിഭാഗങ്ങളിലെ അംഗങ്ങളും, ഹസാരാ വിഭാഗത്തിൽപെട്ടവരുമുണ്ട്. 10 അംഗങ്ങളുള്ള ഒരു അഫ്ഗാൻ ക്രൈസ്തവ കുടുംബത്തെ രാജ്യത്തുനിന്ന് രക്ഷിച്ചെന്ന് സൈനികൻ വെളിപ്പെടുത്തി. അടുത്തിടെ കത്തോലിക്ക വിശ്വാസം സ്വീകരിച്ച 2 ദമ്പതികളെയും അദ്ദേഹത്തിന് രക്ഷിക്കാനായി. അതിർത്തികടന്ന് പാക്കിസ്ഥാനിൽ എത്തിയ സംഘം പിന്നീട് മറ്റൊരു രാജ്യത്തേക്ക് രക്ഷപ്പെടുകയായിരുന്നു. ഇതിനിടയിൽ താലിബാന്റെ പിടിയിൽ ഒരിക്കൽ അകപ്പെട്ടുവന്നും, അവർ ചാട്ടവാറിന് അടിച്ചുവെന്നും സൈനികൻ ഫോക്സ് ന്യൂസിനോട് പറഞ്ഞു.

ക്രൈസ്തവകുടുംബത്തെ താൻ രാജ്യത്തുനിന്ന് രക്ഷിച്ചുവെന്ന് മനസ്സിലാക്കിയിരുന്നെങ്കിൽ സാഹചര്യം മോശമാകുമായിരുന്നു. കുടുംബാംഗങ്ങൾ ഒളിച്ചു താമസിച്ച വീട് ഒരിക്കൽ താലിബാൻ ആക്രമിച്ചെന്നും, ഇതാണ് തന്നെ ഇങ്ങനെയൊരു ദൗത്യം ഏറ്റെടുക്കാൻ പ്രേരിപ്പിച്ചതെന്നും അദ്ദേഹം ഓർത്തെടുത്തു. പുറം വാതിലിലൂടെയാണ് കുടുംബങ്ങൾ അന്ന് രക്ഷപ്പെട്ടത്. അമേരിക്കൻ സർക്കാരിനോട് സഹായം ചോദിച്ചെങ്കിലും അവർ യാതൊന്നും ചെയ്തില്ല. പാക്കിസ്ഥാനിൽ എത്തിചേരാനും സംഘത്തിന് വലിയ പ്രതിസന്ധികളെ അഭിമുഖീകരിക്കേണ്ടി വന്നു. 30 താലിബാൻ ചെക്ക് പോസ്റ്റുകൾ കടന്നാണ് പാക്കിസ്ഥാനിൽ എത്തിയത്.

ഇപ്പോൾ കുടുംബാംഗങ്ങൾ ആയിരിക്കുന്ന രാജ്യത്തു നിന്ന് മറ്റൊരു സുരക്ഷിതസ്ഥാനത്തേക്ക് മാറാൻ 28 ദിവസങ്ങൾ മാത്രമാണുള്ളതെന്നും, അതിനു സാധിച്ചില്ലെങ്കിൽ അഫ്ഗാനിസ്ഥാനിലേക്ക് അവരെ തിരികെ അയയ്ക്കാൻ സാധ്യതയുണ്ടെന്നും സൈനികൻ വെളിപ്പെടുത്തി. അമേരിക്കയിലെ വേൾഡ് ട്രേഡ് സെന്റർ തീവ്രവാദികൾ ആക്രമിക്കുന്നതിന് ഏതാനും ദിവസങ്ങൾക്ക് മുമ്പാണ് ഒരു അഭയാർഥിയായി കൗമാരപ്രായത്തിൽ അദ്ദേഹം അമേരിക്കയിലെത്തിയത്. ഏതാനും വർഷങ്ങൾക്ക് ശേഷം സൈന്യത്തിൽ ജോലി ലഭിച്ച അദ്ദേഹം, അഫ്ഗാനിസ്ഥാനില്‍ ജോലിക്കു പ്രവേശിക്കുകയായിരിന്നുവെന്നും ഫോക്സ് ന്യൂസിന്റെ റിപ്പോര്‍ട്ടില്‍ പറയുന്നു.

ഭ്രൂണഹത്യ ചെയ്യില്ലെന്ന് അള്‍ത്താരയ്ക്കു മുന്‍പില്‍ പ്രതിജ്ഞ ആവര്‍ത്തിച്ച് മെക്സിക്കന്‍ ഡോക്ടര്‍മാര്‍

ഹൃസ്വ ജീവിതം മിഷന്‍ തീക്ഷ്ണതയാല്‍ ജ്വലിപ്പിച്ച ഇറ്റാലിയൻ യുവതി സബാറ്റിനി വാഴ്ത്തപ്പെട്ട പദവിയില്‍

വൈദികനാകണം, പാപ്പയെ കാണണം: വിശുദ്ധ കുര്‍ബാനയെ ഹൃദയത്തിലേറ്റിയ കുഞ്ഞു ഫ്രാന്‍സെസ്കോയുടെ ആഗ്രഹം ഇത്രമാത്രം

134,44,03,000 വിശ്വാസികള്‍: ആഗോളതലത്തിൽ കത്തോലിക്കരുടെ എണ്ണത്തിൽ വർദ്ധനവ്

ദശാബ്ദങ്ങള്‍ക്ക് ശേഷം ഗാസ മുനമ്പില്‍ നിന്നും പ്രതീക്ഷയുടെ അടയാളമായി ദൈവവിളി

"തടവില്‍ കഴിയുമ്പോഴും ദൈവം എന്നോടൊപ്പം ഉണ്ടായിരുന്നു": സിസ്റ്റര്‍ ഗ്ലോറിയയുടെ ആദ്യ സന്ദേശം പുറത്ത്

മനുഷ്യക്കടത്തിനെതിരെ പോരാടുന്ന കത്തോലിക്ക സന്യാസിനികള്‍ വാര്‍ത്തകളില്‍ ഇടം നേടുന്നു

കത്തോലിക്ക വിശ്വാസി, ജീവന്റെ മഹത്വം ഉയര്‍ത്തിപ്പിടിച്ച നേതാവ്: ഡേവിഡ് അമെസിന്റെ ദാരുണാന്ത്യത്തിന്റെ ഞെട്ടലില്‍ ബ്രിട്ടന്‍

അനേകരുടെ ഹൃദയം കവര്‍ന്ന് ന്യൂയോര്‍ക്ക് ടൈംസ് സ്ക്വയറിലെ ദിവ്യകാരുണ്യ പ്രദക്ഷിണം

33 ദിവസം മാത്രം തിരുസഭയെ നയിച്ച 'പുഞ്ചിരിക്കുന്ന പാപ്പ' വാഴ്ത്തപ്പെട്ട പദവിയിലേക്ക്