Arts
ജൂബിലി വർഷത്തിന് ഔദ്യോഗിക ഗാനം തെരഞ്ഞെടുക്കാൻ ആഗോള മത്സരവുമായി വത്തിക്കാൻ
പ്രവാചകശബ്ദം 19-09-2022 - Monday
വത്തിക്കാന്‍ സിറ്റി: 2025ലെ ജൂബിലി വർഷത്തിന്റെ ഒരുക്കമായി ഔദ്യോഗിക ഗാനം തിരഞ്ഞെടുക്കാൻ മത്സരം സംഘടിപ്പിക്കുമെന്ന് വത്തിക്കാൻ പ്രഖ്യാപിച്ചു. സുവിശേഷവത്കരണത്തിന് വേണ്ടിയുള്ള വത്തിക്കാൻ ഡിക്കാസ്റ്ററിയാണ് സെപ്റ്റംബർ പതിനേഴാം തീയതി ഇത് സംബന്ധിച്ച് പ്രഖ്യാപനം നടത്തിയത്. അടുത്തവർഷം തുടക്കത്തിൽ തന്നെ മത്സരത്തിനു വേണ്ടിയുള്ള അപേക്ഷകൾ സ്വീകരിക്കും. പിയർ എയ്ഞ്ചലോ സെക്യൂരി എന്ന ദൈവശാസ്ത്രജ്ഞൻ ഇറ്റാലിയൻ ഭാഷയിൽ എഴുതിയ ഏതാനും ചില വരികൾക്കാണ് മത്സരാർത്ഥികൾ ഈണം നൽകേണ്ടത്. വിജയിയെ കണ്ടെത്തിയതിനു ശേഷം, വത്തിക്കാൻ ഡിക്കാസ്റ്ററി മറ്റ് ഭാഷകളിലേക്കും വരികൾ വിവർത്തനം ചെയ്യും.
'പ്രത്യാശയുടെ തീർത്ഥാടകർ' എന്ന ജൂബിലി വർഷത്തിന്റെ ആപ്ത വാക്യമാണ് എയ്ഞ്ചലോ സെക്യൂരി എഴുതിയ വാചകങ്ങളുടെയും തലക്കെട്ട്. ഗാനത്തെ സംബന്ധിച്ച് വിവിധ നിബന്ധനകളും വത്തിക്കാൻ നൽകിയിട്ടുണ്ട്. ഇതിനുവേണ്ടി നിയോഗിക്കപ്പെട്ട കമ്മിറ്റിയിലെയും, പൊന്തിഫിക്കൽ ഇൻസ്റ്റിറ്റ്യൂട്ട് ഓഫ് സേക്രഡ് മ്യൂസിക്കിലെയും അംഗങ്ങളും സംയുക്തമായിട്ടായിരിക്കും അടുത്തവർഷം മാർച്ച് 25ാം തീയതി അവസാനിക്കുന്ന മത്സരത്തിന്റെ വിജയിയെ കണ്ടെത്തുന്നത്.
ജൂബിലി വർഷത്തിന്റെ വെബ്സൈറ്റിൽ കൂടുതൽ മത്സര നിയമങ്ങളെ സംബന്ധിച്ച കൂടുതൽ വിശദാംശങ്ങൾ പ്രസിദ്ധീകരിച്ചിട്ടുണ്ട്. ലോകമെമ്പാടും നിന്നുള്ള ആളുകളെ പങ്കെടുപ്പിച്ചു നടത്തിയ ഒരു മത്സരത്തിനൊടുവിലാണ് ജൂൺമാസം ജൂബിലി വർഷത്തിന്റെ ലോഗോ നിശ്ചയിച്ചത്. കത്തോലിക്ക സഭയിൽ ജൂബിലി വർഷം എന്നത് കൃപയുടെയും, തീർത്ഥാടനത്തിന്റെയും പ്രത്യേക ഒരു പരിശുദ്ധ വർഷമാണ്. 2000ലാണ് 'ക്രിസ്തു ഇന്നലെയും, ഇന്നും, എന്നും' എന്ന ആപ്തവാക്യവുമായി ഏറ്റവും ഒടുവിലായി ജൂബിലി വർഷം നടന്നത്. അന്ന് വിശുദ്ധ ജോൺ പോൾ രണ്ടാമൻ പാപ്പയാണ് തിരുസഭയെ നയിച്ചുക്കൊണ്ടിരിന്നത്.
Page 1 of 44
More Readings »
തിരുവോസ്തി മോഷണം പോയി; പരിഹാര പ്രാര്‍ത്ഥനയുമായി ഫ്രഞ്ച് രൂപത
പാരീസ്: ഫ്രാന്‍സിലെ കത്തോലിക്ക ദേവാലയത്തില്‍ നിന്നു തിരുവോസ്തി മോഷണം പോയതിനെ തുടര്‍ന്നു പരിഹാര...
'പാപ്പയുടെ ആത്മീയ പിതാവ്' ഫാ. പെഡ്രോയുടെ നാമകരണ നടപടിയുടെ രൂപതാഘട്ടം സമാപനത്തിലേക്ക്
വത്തിക്കാന്‍ സിറ്റി: ജെസ്യൂട്ട് സന്യാസ സമൂഹത്തിന്റെ മുന്‍ അധ്യക്ഷനും ഫ്രാൻസിസ് മാർപാപ്പയുടെ...
മക്കളെ നഷ്ടപ്പെട്ട മാതാപിതാക്കളെ സമര്‍പ്പിച്ച് ഫ്രാന്‍സിസ് പാപ്പയുടെ നവംബര്‍ മാസത്തെ നിയോഗം
വത്തിക്കാന്‍ സിറ്റി: മക്കളെ നഷ്ടപ്പെട്ട മാതാപിതാക്കളെ പ്രത്യേകം അനുസ്മരിച്ച് ഫ്രാന്‍സിസ്...
പ്രത്യാശ നഷ്ട്ടപ്പെട്ടോ? ഒറ്റപ്പെടലില്‍ താങ്ങി നിര്‍ത്തുവാന്‍ സഹായിക്കുന്ന 5 വിശുദ്ധരുടെ വാക്യങ്ങള്‍
കുടുംബ ജീവിതത്തിലും, ജോലിസ്ഥലത്തും നേരിടുന്ന സമ്മര്‍ദ്ധങ്ങളും ഒറ്റപ്പെടലും ആഭ്യന്തരയുദ്ധങ്ങളും,...
സകല വിശുദ്ധരുടെയും തിരുനാൾ: ചില ചിന്തകൾ
സകല വിശുദ്ധന്മാരുടെയും തിരുനാൾ ദിനമായ ഇന്നു എന്നെ സ്വാധീനിച്ച ഒരു ചിന്തയാണ് ഈ കുറിപ്പിന്റെ ആധാരം....
കൂട്ടായ്മയിലും സ്നേഹത്തിലും ഒന്നിക്കാം: മാർ തോമസ് തറയിൽ
ചങ്ങനാശേരി: സ്നേഹത്തിലും ഐക്യത്തിലും കൂട്ടായ്മയിലും അതിരൂപത ശക്തിപ്പെടണമെന്ന് ആർച്ച് ബിഷപ്പ്...
