ബാഴ്സലോണ: ക്രിസ്തുവിലുള്ള വിശ്വാസത്തെ പ്രതി സ്പാനിഷ് ആഭ്യന്തര യുദ്ധകാലത്ത് കൊല്ലപ്പെട്ട അല്മായനുൾപ്പടെ രണ്ടു സ്പാനിഷ് രക്തസാക്ഷികള്‍ വാഴ്ത്തപ്പെട്ട പദവിയില്‍. ഇക്കഴിഞ്ഞ ശനിയാഴ്ച ബാഴ്സലോണയിലെ തിരുക്കുടുംബ ബസിലിക്ക ദേവാലയത്തില്‍ നടന്ന തിരുക്കര്‍മ്മത്തിലാണ് വൈദികനായ ഫാ. കയെറ്റാനോ ക്ലോസെല്ലസ് ബൾവെയും അൻ്റോണിയോ ടോർട്ട് റീക്‌സാച്ച്‌സ് എന്ന അല്‍മായ രക്തസാക്ഷിയെയും വാഴ്ത്തപ്പെട്ടവരായി പ്രഖ്യാപിച്ചത്. ഫ്രാൻസിസ് പാപ്പായെ പ്രതിനിധാനം ചെയ്തുകൊണ്ട് വിശുദ്ധരുടെ നാമകരണത്തിനു വേണ്ടിയുള്ള തിരുസംഘം തലവൻ കർദ്ദിനാൾ മാർസലോ സെമരാറോ പ്രഖ്യാപനം നടത്തി.

ആരായിരിന്നു ഇവര്‍? ‍

* ഫാ. കയെറ്റാനോ ക്ലോസെല്ലസ് ‍

1863 ആഗസ്റ്റ് 5-ന് ബാഴ്സലോണയിലെ സബദേൽ എന്ന സ്ഥലത്തായിരുന്നു കയെറ്റാനോ ക്ലോസെല്ലസിന്റെ ജനനം. 1888 മെയ് 3-ന് പൗരോഹിത്യം സ്വീകരിച്ച അദ്ദേഹം വിവിധങ്ങളായ അജപാലന ശുശ്രൂഷയിൽ വ്യാപൃതനായിരിന്നു. ഏറ്റവും ദുർബലരായ ആളുകൾക്കു ഇടയില്‍ അദ്ദേഹം നടത്തിയ സേവനം അനേകരെ വിശ്വാസത്തിലേക്ക് അടുപ്പിച്ചു. രണ്ടു പതിറ്റാണ്ടോളം ഒരു വൃദ്ധ സദനത്തിൽ അജപാലന ദൗത്യം നിർവ്വഹിച്ചു നിരവധി പേര്‍ക്ക് സാന്ത്വനമേകി.

1936-ൽ മതപരമായ പീഡനത്തിൻ്റെ അപകടമുണ്ടായിട്ടും, ഫാ. കയെറ്റാനോ പരിചരണത്തിൽ പ്രായമായവരെ ഉപേക്ഷിക്കാൻ അദ്ദേഹം വിസമ്മതിച്ചു: "പ്രായമായവരെ ഉപേക്ഷിക്കുമെന്ന് ഞാൻ ഒരിക്കലും വാഗ്ദാനം ചെയ്തിട്ടില്ല, എൻ്റെ രക്തം ചൊരിയേണ്ടി വന്നാൽ ഞാൻ അത് സ്വീകരിക്കുന്നു" എന്നായിരിന്നു അദ്ദേഹത്തിന്റെ വാക്കുകള്‍. 1936 ആഗസ്റ്റ് 14-ന് ഫാ. കയെറ്റാനോയെ സൈന്യം പിടികൂടി. പിറ്റേന്ന് പരിശുദ്ധ കന്യകാമറിയത്തിൻറെ സ്വർഗ്ഗാരോപണത്തിരുന്നാൾ ദിനത്തിൽ ഫാ. കയെറ്റാനോയെ വധിക്കുകയായിരിന്നു. "പാവപ്പെട്ടവരുടെ പിതാവ്" എന്ന വിശേഷണം അദ്ദേഹത്തിന് ലഭിച്ചിരിന്നു.

11 കുട്ടികളുടെ പിതാവായിരിന്ന അൻ്റോണിയോ ടോർട്ട് ‍

1895-ൽ ബാഴ്‌സലോണയില്‍ ജനിച്ച അൻ്റോണിയോ ടോർട്ട് റെയ്‌ക്‌സാച്ച്‌സ് സ്വര്‍ണ്ണാഭരണ വ്യാപാരിയായിരിന്നു. 1917-ൽ അദ്ദേഹം മരിയ ജോസഫ ഗാവിനെ വിവാഹം കഴിച്ചു. അവർക്ക് 11 കുട്ടികളുണ്ടായിരുന്നു. തൊഴിൽപരമായി ഒരു ജ്വല്ലറി നടത്തിയിരിന്ന അദ്ദേഹം ബാഴ്‌സലോണയുടെ മധ്യഭാഗത്തായിരുന്നു താമസിച്ചിരുന്നത്. ശക്തമായ വിശ്വാസത്തിന് ഉടമയായ അദ്ദേഹം പ്രാദേശിക സഭാ പ്രവർത്തനങ്ങളിലും മരിയൻ ദേവാലയങ്ങളിലേക്കുള്ള വിവിധ തീർത്ഥാടനങ്ങളിലും പങ്കെടുത്തു തന്റെ കത്തോലിക്ക വിശ്വാസം മാതൃകാപരമായി തുടര്‍ന്നു വരികയായിരിന്നു.

1936-ലെ മതപീഡന സമയമായിരിന്നു അത്. മതപീഡന വേളയിൽ, സ്വജീവന് അപകടമാണ് എന്ന ബോധ്യമുണ്ടായിരുന്നിട്ടും, അദ്ദേഹം നിരവധി വൈദികർക്കും സന്യസ്തർക്കും സ്വഭവനത്തിൽ അഭയം നല്‍കാന്‍ തയാറായി. തന്റെ സഹോദരൻ ബിഷപ്പ് മാനുവൽ ഇരുരിറ്റയ്ക്കും ഒരു വൈദികനും നാല് കന്യാസ്ത്രീകൾക്കും സ്വന്തം വീട്ടിൽ അഭയം നൽകിയ സമയമായിരിന്നു അത്. 1936 ഡിസംബർ 1ന് സായുധ സൈന്യം അദ്ദേഹത്തിൻറെ ഭവനത്തിലേക്ക് ഇരച്ചുകയറുകയും എല്ലാം കവർന്നെടുക്കുകയും അദ്ദേഹത്തെ പിടിച്ചുകൊണ്ടു പോയി പീഡിപ്പിക്കുകയും ചെയ്തു. ഡിസംബര്‍ മൂന്നാം തീയതി രാത്രി സൈന്യം അൻ്റോണിയോയെ മോന്ത്കാദ സെമിത്തേരിയുടെ സമീപത്തുകൊണ്ടുപോയി വെടിവെച്ചു കൊല്ലുകയായിരുന്നു.

▛ കര്‍ത്താവിന്റെ സത്യവചനം അനേകരിലേക്ക് എത്തിക്കുവാന്‍ 'പ്രവാചകശബ്‌ദ'ത്തെ സഹായിക്കാമോ? ▟

ലോഗോസ് ക്വിസില്‍ ചരിത്രം കുറിച്ച് ജിസ്‌മോന്‍; ഏറ്റവും പ്രായം കുറഞ്ഞ ലോഗോസ് പ്രതിഭ

നിയമവിരുദ്ധ ഖനന പ്രവർത്തനങ്ങളുടെ ഫലമായുള്ള നൽകുന്ന സംഭാവനകൾ വേണ്ട: നിലപാട് കടുപ്പിച്ച് ഘാന മെത്രാൻ സമിതിയും

"സ്വിറ്റ്സർലൻഡില്‍ എഐ കുമ്പസാരക്കൂട്" എന്ന പേരില്‍ വ്യാജ വാര്‍ത്ത പ്രചരിക്കുന്നു

സമാധാന ദൗത്യത്തിനിടെ നാസി ഭരണകൂടം വധിച്ച ജര്‍മ്മന്‍ വൈദികന്‍ ഫാ. മാക്‌സ് ജോസഫ് വാഴ്ത്തപ്പെട്ട പദവിയില്‍

നൈജീരിയയിൽ നാല്പത് വൈദിക വിദ്യാര്‍ത്ഥികള്‍ ഡീക്കന്‍ പട്ടം സ്വീകരിച്ചു

സഭാചരിത്രം പഠിക്കുവാന്‍ ആഹ്വാനവുമായി ഫ്രാന്‍സിസ് പാപ്പ

പീഡിത ക്രൈസ്തവര്‍ക്ക് ഐക്യദാര്‍ഢ്യം; എഴുനൂറിലധികം ക്രൈസ്തവ ദേവാലയങ്ങളും സ്മാരകങ്ങളും ചുവന്ന നിറത്തിൽ പ്രകാശിപ്പിച്ചു

പാക്ക് പീഡിത ക്രൈസ്തവര്‍ക്ക് വേണ്ടി സ്വരമുയര്‍ത്തുന്ന യുവതിക്ക് എ‌സിഎന്നിന്റെ ധീരത അവാര്‍ഡ്

രാഷ്ട്രീയ സ്വാര്‍ത്ഥ ലാഭം സഭയുടെ അടുത്ത് വേണ്ട; കെനിയന്‍ പ്രസിഡന്റിന്റെ സംഭാവന നിരസിച്ച് ആര്‍ച്ച് ബിഷപ്പ്

മാര്‍പാപ്പമാരുടെ മൃതസംസ്കാര ചടങ്ങുകൾക്കായുള്ള നവീകരിച്ച ക്രമം പ്രസിദ്ധീകരിച്ചു