എറണാകുളം: മരിയന്‍ തീര്‍ത്ഥാടന കേന്ദ്രമായ വേളാങ്കണ്ണിയിലേക്കു വീണ്ടും സ്‌പെഷ്യല്‍ ട്രെയിനുകള്‍ പ്രഖ്യാപിച്ചു. ഈ മാസം 29നും സെപ്റ്റംബര്‍ അഞ്ചിനും തിരുവനന്തപുരത്തുനിന്ന് ഉച്ചകഴിഞ്ഞ് 3.30ന് പുറപ്പെടുന്ന വേളാങ്കണ്ണി സ്‌പെഷല്‍ ഫെയര്‍ ട്രെയിന്‍ പിറ്റേന്നു രാവിലെ 3.45ന് വേളാങ്കണ്ണിയില്‍ എത്തിച്ചേരും. ഈ മാസം 30നും സെപ്റ്റംബര്‍ ആറിനും വേളാങ്കണ്ണിയില്‍നിന്നു രാത്രി 22.10ന് പുറപ്പെടുന്ന സ്‌പെഷല്‍ ഫെയര്‍ ട്രെയിന്‍ പിറ്റേന്നു ഉച്ചയ്ക്കു 12.15നു തിരുവനന്തപുരത്ത് എത്തിച്ചേരും.

ഈമാസം 28, 31, സെപ്റ്റംബര്‍ ഏഴ് തിയതികളില്‍ എറണാകുളം ജംഗ്ഷനില്‍നിന്നു രാത്രി 11ന് വേളാങ്കണ്ണിയിലേക്കു പുറപ്പെടുന്ന സ്‌പെഷല്‍ ഫെയര്‍ ട്രെയിന്‍ പിറ്റേന്ന് ഉച്ചയ്ക്കു ഒന്നിന് വേളാങ്കണ്ണിയില്‍ എത്തിച്ചേരും. ഈ മാസം 29, ആഗസ്റ്റ് രണ്ട്, അഞ്ച്, ഒന്പത് തിയതികളില്‍ രാത്രി 11.45ന് വേളാങ്കണ്ണിയില്‍നിന്ന് എറണാകുളത്തേക്കു പുറപ്പെടുന്ന സെപെഷല്‍ ഫെയര്‍ ട്രെയിന്‍ പിറ്റേന്നു ഉച്ചയ്ക്ക് 1.40നു എറണാകുളത്ത് എത്തിച്ചേരും.