News
ഫ്രാന്‍സിസ് പാപ്പക്കെതിരെ ഇസ്ലാമിക് സ്റ്റേറ്റ്സിന്റെ പുതിയ വധഭീഷണി
സ്വന്തം ലേഖകന്‍ 01-11-2018 - Thursday
വത്തിക്കാന് സിറ്റി: ആഗോള കത്തോലിക്കാ സഭയുടെ തലവനായ ഫ്രാന്‍സിസ് പാപ്പാക്കെതിരെ വധ ഭീഷണിയുമായി ഇസ്ലാമിക് സ്റ്റേറ്റിന്റെ അനുബന്ധ സംഘടന രംഗത്ത്. ഇസ്ലാമിക് സ്റ്റേറ്റിനെ പിന്തുണക്കുന്ന അല്‍-അബ്ദ് അല്‍-ഫക്കിര്‍ എന്ന ഓണ്‍ലൈന്‍ മാധ്യമമാണ് ഫ്രാന്‍സിസ് പാപ്പാക്കെതിരെ പുതിയ വധഭീഷണികള്‍ മുഴക്കിയിരിക്കുന്നത്. വരുന്ന ക്രിസ്തുമസ് സീസണില്‍ ഫ്രാന്‍സിസ് പാപ്പാക്ക് നേരെ ഗ്രനേഡ് ആക്രമണം നടത്തുമെന്നാണ് ഭീഷണികളുടെ സാരം.
2016-ല്‍ ഫ്രാന്‍സിസ് പാപ്പ യൂറോപ്പിലെ നാസികളുടെ ഏറ്റവും വലിയ തടങ്കല്‍ പാളയമായ പോളണ്ടിലെ ഓഷ്വിറ്റ്‌സ് തടങ്കല്‍പ്പാളയം സന്ദര്‍ശിച്ചപ്പോഴുള്ള ചിത്രങ്ങളാണ് പോസ്റ്ററുകളില്‍ ഉപയോഗിച്ചിരിക്കുന്നത്. ഓഷ്വിറ്റ്‌സിലെ ‘മരണത്തിന്റെ മതിലിന്’ അഭിമുഖമായി നില്‍ക്കുന്ന ഫ്രാന്‍സിസ് പാപ്പാക്ക് നേരെ വരകളുള്ള പോളോ ഷര്‍ട്ടും, ഖാക്കിയും, മുഖംമൂടിയും ധരിച്ച തോക്ക്ധാരി പതുങ്ങി നടക്കുന്നതാണ് ചിത്രത്തോട് കൂടിയ പോസ്റ്ററാണ് കഴിഞ്ഞയാഴ്ച പുറത്തുവിട്ട ആദ്യ ഭീഷണി. “കുരിശിന്റെ അടിമകള്‍” എന്ന മുന്നറിയിപ്പും ഭീഷണിക്കൊപ്പമുണ്ടായിരുന്നു.
ഈ ആഴ്ച്ച പുറത്തുവന്ന പുതിയ ഭീഷണിയില്‍, ഇസ്ലാമിക് സ്റ്റേറ്റ്സിന്റെ റിസ്റ്റ് ബാന്‍ഡ് ധരിച്ചിട്ടുള്ള അക്രമി ഫ്രാന്‍സിസ് പാപ്പാക്ക് നേരെ കൈത്തോക്ക് ചൂണ്ടി നില്‍ക്കുന്ന ചിത്രമാണുള്ളത്. 'ഞങ്ങളുടെ ആക്രമണങ്ങളില്‍ നിന്നും നിങ്ങള്‍ ദൂരെയാണെന്ന്‍ ചിന്തിക്കരുത്' എന്ന് പോസ്റ്ററില്‍ പ്രിന്റ്‌ ചെയ്തിട്ടുമുണ്ട്. ഫ്രാന്‍സിസ് പാപ്പാക്ക് നേരെ വധഭീഷണികള്‍ ഇതിന് മുന്‍പും ഉണ്ടായിട്ടുണ്ട്.
കഴിഞ്ഞ നവംബറില്‍ ഇസ്ലാമിക് സ്റ്റേറ്റിനെ പിന്തുണക്കുന്ന വാഫാ മീഡിയ ഫൗണ്ടേഷന്‍ എന്ന സംഘടന വത്തിക്കാന് നേരെ നീങ്ങുന്ന ആയുധങ്ങള്‍ നിറച്ച വാഹനത്തിന്റെ ചിത്രത്തോട് കൂടിയ പോസ്റ്റര്‍ ഭീഷണി പുറത്തിറക്കിയിരുന്നു. “ക്രിസ്തുമസ്സ് രക്തം” എന്ന തലക്കെട്ടോടെയായിരുന്നു പോസ്റ്റര്‍ പുറത്തുവിട്ടത്. “കാത്തിരിക്കൂ” എന്ന മുന്നറിയിപ്പും പോസ്റ്ററില്‍ ഉണ്ടായിരുന്നു. ഓറഞ്ച് നിറത്തിലുള്ള സ്യൂട്ട് ധരിച്ച ശിരസ്സറ്റ മൃതദേഹത്തിനരികില്‍ നില്‍ക്കുന്ന ജിഹാദിയുടെ ചിത്രവുമായിട്ടാണ് വാഫാ മീഡിയയുടെ തന്നെ മറ്റൊരു ഭീഷണി പുറത്ത് വന്നത്.
വേര്‍തിരിഞ്ഞു കിടക്കുന്ന ശിരസ്സിനരികില്‍ ‘ജോര്‍ഗെ മാരിയോ ബെര്‍ഗോഗ്ലിയോ’ എന്ന പാപ്പയുടെ പേര് എഴുതിയിട്ടുണ്ടായിരുന്നു. 'കുരിശ് യുദ്ധക്കാരുടെ വിരുന്ന് ആരംഭിച്ചു കഴിഞ്ഞു' എന്ന സന്ദേശത്തോട് കൂടി ഗ്രനേഡ് ലോഞ്ചറും, റൈഫിളുമായി നില്‍ക്കുന്ന ജിഹാദിയുടെ ചിത്രവും ഇതേ ഗ്രൂപ്പ് തന്നെയാണ് പുറത്തുവിട്ടത്. ആഗോളതലത്തില്‍ ഫ്രാന്‍സിസ് പാപ്പക്കുള്ള ജനസമ്മതി ഇസ്ളാമിക തീവ്രവാദികളെ ചൊടിപ്പിക്കുന്നുവെന്നാണ് ഈ ഭീഷണികള്‍ സൂചിപ്പിക്കുന്നത്.
Page 1 of 380
More Readings »
പ്രത്യാശ നഷ്ട്ടപ്പെട്ടോ? ഒറ്റപ്പെടലില്‍ താങ്ങി നിര്‍ത്തുവാന്‍ സഹായിക്കുന്ന 5 വിശുദ്ധരുടെ വാക്യങ്ങള്‍
കുടുംബ ജീവിതത്തിലും, ജോലിസ്ഥലത്തും നേരിടുന്ന സമ്മര്‍ദ്ധങ്ങളും ഒറ്റപ്പെടലും ആഭ്യന്തരയുദ്ധങ്ങളും,...
സകല വിശുദ്ധരുടെയും തിരുനാൾ: ചില ചിന്തകൾ
സകല വിശുദ്ധന്മാരുടെയും തിരുനാൾ ദിനമായ ഇന്നു എന്നെ സ്വാധീനിച്ച ഒരു ചിന്തയാണ് ഈ കുറിപ്പിന്റെ ആധാരം....
മക്കളെ നഷ്ടപ്പെട്ട മാതാപിതാക്കളെ സമര്‍പ്പിച്ച് ഫ്രാന്‍സിസ് പാപ്പയുടെ നവംബര്‍ മാസത്തെ നിയോഗം
വത്തിക്കാന് സിറ്റി: മക്കളെ നഷ്ടപ്പെട്ട മാതാപിതാക്കളെ പ്രത്യേകം അനുസ്മരിച്ച് ഫ്രാന്‍സിസ്...
കൂട്ടായ്മ്‌മയിലും സ്നേഹത്തിലും ഒന്നിക്കാം: മാർ തോമസ് തറയിൽ
ചങ്ങനാശേരി: സ്നേഹത്തിലും ഐക്യത്തിലും കൂട്ടായ്‌മയിലും അതിരൂപത ശക്തിപ്പെടണമെന്ന് ആർച്ച് ബിഷപ്പ്...
സ്ഥാനാരോഹണത്തിലൂടെ സീറോ മലബാർ സഭയ്ക്ക് യുവത്വത്തിൻ്റെ മുഖമാണ് കൈവന്നിരിക്കുന്നതെന്ന് മേജർ ആർച്ച് ബിഷപ്പ്
ചങ്ങനാശേരി: മാർ തോമസ് തറയിലിന്റെ സ്ഥാനാരോഹണത്തിലൂടെ സീറോ മലബാർ സഭയ്ക്ക് യുവത്വത്തിൻ്റെ മുഖമാണ്...
നാളെ ശുദ്ധീകരണാത്മാക്കളുടെ വണക്കമാസം ആരംഭിക്കുന്നു: ഓരോ ദിവസത്തെയും പ്രാർത്ഥനകൾ പ്രവാചക ശബ്ദത്തിൽ
നാളെ നവംബർ ഒന്ന്. ശുദ്ധീകരണാത്മാക്കളുടെ വണക്കമാസം ആരംഭിക്കുന്ന സുദിനം. ഈ ലോകത്തില്‍ ജീവിക്കുന്ന...
