India - 2024
വേളാങ്കണ്ണിക്കു പ്രത്യേക ട്രെയിനുകള്‍ പ്രഖ്യാപിച്ചു
സ്വന്തം ലേഖകന്‍ 17-08-2019 - Saturday
തിരുവനന്തപുരം: വേളാങ്കണ്ണി തിരുന്നാളിനോടനുബന്ധിച്ച് വേളാങ്കണ്ണിക്കും തിരുവനന്തപുരത്തിനുമിടയില്‍ പ്രത്യേക ട്രെയിനുകള്‍ പ്രഖ്യാപിച്ചു. തിരുവനന്തപുരം വേളാങ്കണ്ണി പ്രത്യേക ട്രെയിന്‍ (06085) ഈ മാസം 28, അടുത്ത മാസം 04 തീയതികളില്‍ സര്‍വ്വീസ് നടത്തും. വൈകുന്നേരം 7.45 ന് തിരുവനന്തപുരം സെന്‍ട്രലില്‍ നിന്ന് പുറപ്പെടുന്ന ട്രെയിന്‍ പിറ്റെദിവസം രാവിലെ 10.05 ന് വേളാങ്കണ്ണിയില്‍ എത്തും. വേളാങ്കണ്ണി- തിരുവനന്തപുരം പ്രത്യേക ട്രെയിന്‍ (06086) ഈ മാസം 29, അടുത്ത മാസം 05 തീയതികളില്‍ രാത്രി 11.45 ന് വേളാങ്കണ്ണിയില്‍ നിന്ന് പുറപ്പെടും. ഉച്ചയ്ക്ക് 1.15 ന് തിരുവനന്തപുരത്ത് എത്തും.
