മുംബൈ: റെയിൽവേ സ്റ്റേഷന്‍ പ്ലാറ്റ്ഫോമിന്റെ മൂലയ്ക്കിരിന്ന് മധുര ശബ്ദത്തിൽ പാടി സോഷ്യൽ മീഡിയയുടെയും ഭാരത ജനത മുഴുവന്റെയും ഹൃദയം കീഴടക്കിയ രാണു മൊണ്ടലിനെ ആരും മറക്കില്ല. പശ്ചിമ ബംഗാളിലെ രണാഘട്ട് സ്റ്റേഷന്റെ പ്ലാറ്റ്ഫോമിലിരുന്ന്, ശബ്ദമാധുര്യത്തില്‍ ‘ഏക് പ്യാര്‍ കാ നഗ്മാ ഹേ’ എന്ന ഗാനം ആലപിച്ച തെരുവോര ഗായിക ചുരുങ്ങിയ ദിവസങ്ങള്‍ക്കുളില്‍ ചലച്ചിത്ര പിന്നണി ഗായികയായി മാറി. ഒരു ദിവസം കൊണ്ട് ജീവിതം പൂര്‍ണ്ണമായും മാറി മറിഞ്ഞ രാണു മൊണ്ടല്‍ ആദ്യമായി അവതാരകന്റെ മുന്‍പില്‍ മനസ്സ് തുറന്നപ്പോള്‍ അവരുടെ വാക്കുകളില്‍ പ്രതിഫലിക്കുന്നത് ക്രിസ്തുവിനോടുള്ള അഗാധമായ സ്നേഹമാണ്.

യേശുവിന്റെ സ്നേഹം കാരണമാണ് തനിക്കു പാടുവാൻ സാധിച്ചത് എന്ന രേണുവിന്റെ വാക്കുകളാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. പ്രശസ്തിയിൽ നിൽക്കുമ്പോഴും ദൈവത്തിനു നന്ദി പറയുകയാണ് ഈ പാട്ടുകാരി. യേശുവിന്റെ സ്നേഹം കാരണമാണ് തനിക്ക് പാടുവാന്‍ സാധിച്ചതെന്നും എല്ലാവരുടെയും സ്നേഹം താന്‍ അനുഭവിക്കുന്നത് ദൈവത്തിലൂടെയാണെന്നും ഭാരതത്തിന്റെ സുന്ദര സംഗീതമായി മാറിയ ഈ ഗായിക നല്‍കിയ ഒരു ഇന്‍റര്‍വ്യൂവില്‍ തുറന്ന്‍ സാക്ഷ്യപ്പെടുത്തുന്നു. സ്നേഹം എനിക്ക് ദൈവത്തിലൂടെയാണ് ലഭിച്ചത്. അതിനാൽ ഓരോ പാട്ടും ആസ്വദിച്ചു പാടാൻ കഴിഞ്ഞു. അതിനാൽ ഞാൻ ദൈവത്തോട് കടപ്പെട്ടിരിക്കുന്നു. അതോടൊപ്പം എനിക്ക് പ്രോത്സാഹനവും പിന്തുണയും നൽകിയ നിങ്ങൾ ഓരോരുത്തരോടും എന്റെ അകമഴിഞ്ഞ നന്ദി അറിയിക്കുന്നു.

ചെറുപ്പം മുതൽ എനിക്ക് പാടുവാൻ വളരെ ആഗ്രഹമായിരുന്നു. വെറുതെ പാടിയാൽ പോരാ, ഹൃദയത്തിൽ നിന്ന് പാടിയില്ലെങ്കിൽ ഒരുതരം അപൂർണത അനുഭവിച്ചിരുന്നു. എന്തുകൊണ്ടാണ് എനിക്ക് ഇങ്ങനെ തോന്നുന്നത് എന്ന് ആലോചിച്ചിരുന്നു. എന്നിരുന്നാലും എന്റെ സ്വരം എനിക്ക് തന്ന ദൈവത്തെയാണ് ഞാൻ എന്നും ആശ്രയിക്കുന്നത്, ഇപ്പോഴും അത് തുടരുന്നു. ഇപ്പോൾ നടന്നതെല്ലാം ദൈവത്തിന്റെ അനുഗ്രഹം കാരണമാണെന്ന് എനിക്ക് ഉറപ്പാണ്. എന്റെ ജീവിതത്തിൽ ഉണ്ടായതെല്ലാം നിങ്ങൾ കണ്ടതാണല്ലോ.

ഇനിയും ഞാൻ പാട്ടുകൾ പാടും. എല്ലാത്തിനും ഞാൻ നന്ദി പറയുന്നത് ദൈവത്തോടും പിന്നെ നിങ്ങൾ ഓരോരുത്തരോടുമാണ്. ഞാൻ ഒരു ഗായികയാകുമെന്ന് ആശിച്ചിരുന്നില്ല, എങ്കിലും പ്രതീക്ഷ കൈവിടുകയും ചെയ്തില്ല. പാടാൻ അവസരം ലഭിച്ചില്ല എന്ന നിരാശയിൽ കഴിയാതെ, നിരന്തരം പാട്ടുകൾ കേൾക്കുകയും അത് ഹൃദ്യസ്ഥമാക്കുകയും ചെയ്തിരുന്നു. പാടാൻ കഴിയുമെന്ന ബോധ്യം ദൈവമാണ് തനിക്ക് പൂർത്തീകരിച്ചു തന്നതെന്നും രാണു മണ്ടല്‍ തുറന്ന്‍ സാക്ഷ്യപ്പെടുത്തുന്നു. റെയില്‍വേ സ്റ്റേഷനിലെ വൈറല്‍ വീഡിയോക്ക് പിന്നാലേ ക്രൂശിതരൂപം പശ്ചാത്തലത്തിലുള്ള രാണുവിന്റെ ചിത്രം നവമാധ്യമങ്ങളില്‍ നേരത്തെ വൈറലായിരിന്നു.

ഇന്‍റര്‍വ്യൂ കാണാം (4:11 മുതല്‍)

ദൈവവിളി ദൈവം തന്ന ദാനം, അതിനെ തൊഴിലാക്കി മാറ്റരുത്: ഫ്രാന്‍സിസ് പാപ്പ

അസാധാരണ മിഷ്ണറി മാസത്തിനായി ക്രൈസ്തവ ലോകം: ഉദ്ഘാടനം ഒക്ടോബര്‍ 1ന്

'ലോക അധ്യാപകന്‍' ബ്രദര്‍ പീറ്റർ തബിച്ചി വൈറ്റ് ഹൗസിൽ

അരുണാചലില്‍ കൊല്ലപ്പെട്ട ഫ്രഞ്ച് മിഷ്ണറിമാരുടെ നാമകരണ നടപടി ആരംഭിച്ചു

മത്സരത്തിനു മുന്‍പ് കന്യാസ്ത്രീകളെ പ്രത്യേകം അഭിവാദ്യം ചെയ്ത് അമേരിക്കൻ താരം

ക്രിസ്തീയത ഉന്മൂലനം ചെയ്യാന്‍ ശ്രമിച്ച ഹംഗേറിയന്‍ കമ്മ്യൂണിസ്റ്റ് കോട്ടയില്‍ പുതിയ ദേവാലയം

'പാക്കിസ്ഥാന്റെ മദര്‍ തെരേസ'യെ ആദരിച്ച് ഗൂഗിള്‍

‘ആ ഫോട്ടോയാണ് എന്നെ ഒരു പുരോഹിതനാക്കിയത്’: വൈദികന്റെ ട്വീറ്റ് ശ്രദ്ധ നേടുന്നു

മെത്രാന്മാര്‍ വിശ്വാസത്തിന്റെ വിത്തു പാകാന്‍ വിളിക്കപ്പെട്ടവര്‍: ഫ്രാന്‍സിസ് പാപ്പ

ഹാൻ ചുങ്: ഭീഷണി വകവെക്കാതെ കൊറിയക്കാർക്ക് ക്രിസ്തുവിനെ നല്‍കിയ യോദ്ധാവ്