News
സിറിയയിലെ ക്രൈസ്തവ വിശ്വാസികൾ തുടച്ചുനീക്കപ്പെടാൻ സാധ്യത, നിലവിലെ സാഹചര്യം മനുഷ്യർക്ക് താങ്ങാൻ സാധിക്കാത്തത്: പാത്രിയാർക്കീസ് ജോസഫ് മൂന്നാമന്‍
പ്രവാചക ശബ്ദം 26-05-2021 - Wednesday
ഡമാസ്ക്കസ്: മനുഷ്യർക്ക് താങ്ങാൻ സാധിക്കാത്ത നിലയിൽ സിറിയയിലെ സംഘർഷങ്ങൾ എത്തിയിരിക്കുകയാണെന്നും രാജ്യത്തെ ക്രൈസ്തവ വിശ്വാസികൾ തുടച്ചുനീക്കപ്പെടാൻ സാധ്യതയുണ്ടെന്നും സിറിയന്‍ കാത്തലിക് പാത്രിയാർക്കീസ് ജോസഫ് യൂനാൻ മൂന്നാമന്റെ വെളിപ്പെടുത്തല്‍. മെയ് 23നു സിറിയ സന്ദർശിച്ചതിനു ശേഷം കാത്തലിക് ന്യൂസ് സർവീസിനു നൽകിയ അഭിമുഖത്തിലാണ് രാജ്യത്തെ ദയനീയ സാഹചര്യം വെളിപ്പെടുത്തിയിരിക്കുന്നത്. നിലവിലെ പ്രതിസന്ധി നിരപരാധികളെ മാത്രമേ ബാധിക്കുകയുള്ളൂ എന്നതിനാൽ സിറിയക്കുമേൽ പാശ്ചാത്യരാജ്യങ്ങൾ ഏർപ്പെടുത്തിയിരിക്കുന്ന ഉപരോധങ്ങൾ നീക്കണമെന്ന് പാത്രിയാർക്കീസ് അഭ്യർത്ഥിച്ചു.
പത്തുവർഷത്തോളമായി യുദ്ധങ്ങളും ഒറ്റപ്പെടലുകളും നേരിടുന്ന രാജ്യത്തിൻറെ മേൽ ജനാധിപത്യത്തിന്റയും, രാഷ്ട്രീയ സ്വാതന്ത്ര്യത്തിന്റെയും പേര് പറഞ്ഞു പാശ്ചാത്യരാജ്യങ്ങൾ കൊണ്ടുവരുന്ന ഉപരോധങ്ങൾ വലിയ പ്രത്യാഘാതങ്ങളാണ് സൃഷ്ടിച്ചിരിക്കുന്നത്. സാധാരണ ജനങ്ങൾ ഭക്ഷണ ദൗർലഭ്യം പോലും നേരിടുന്നുണ്ട്. ആരോഗ്യ രംഗത്തെ പ്രതിസന്ധിയും ഇഗ്നേസ് ജോസഫ് യൂനാൻ ചൂണ്ടിക്കാട്ടി. ബെയ്റൂട്ട് ആസ്ഥാനമായുളള പാത്രിയാർക്കീസ് പത്തു ദിവസം നീണ്ട സന്ദർശനത്തിനിടയിൽ മൂന്നു രൂപതകളാണ് സിറിയയിൽ സന്ദർശിച്ചത്. സന്ദർശനത്തില്‍ സന്തോഷമുണ്ടെങ്കിലും, ആളുകളുടെ ഹൃദയത്തിലെ വേദന കാണാതിരിക്കാൻ ഒരാൾക്കും സാധിക്കില്ലെന്ന് അദ്ദേഹം പറഞ്ഞു.
ഉപരോധം നീക്കണമെന്ന് പാശ്ചാത്യ രാജ്യങ്ങളോട് ആവശ്യപ്പെട്ടെങ്കിലും, സിറിയയിൽ നിന്ന് പലായനം ചെയ്ത ജനങ്ങളെ തിരിച്ചുകൊണ്ടുവരാനും, രാജ്യത്ത് ജനങ്ങൾ തമ്മിലുള്ള പ്രശ്നങ്ങൾ അവസാനിപ്പിക്കാനും ഐക്യരാഷ്ട്രസഭ ഉൾപ്പെടെ ഇടപെടണമെന്നും പാത്രിയർക്കീസ് ആവശ്യപ്പെട്ടു. പത്തു വർഷമായി വിവിധ രീതിയിൽ രാജ്യത്തെ ക്രൈസ്തവരെ സഹായിക്കുന്ന അന്താരാഷ്ട്ര കത്തോലിക്ക സംഘടനകളായ എയിഡ് ടു ദി ചർച്ച് ഇൻ നീഡ്, കാത്തലിക് നിയർ ഈസ്റ്റ് വെൽഫെയർ അസോസിയേഷൻ തുടങ്ങിയ സംഘടനകളോട് സിറിയൻ ക്രൈസ്തവരുടെ നന്ദിയും അദ്ദേഹം പങ്കുവെച്ചു. ആലപ്പോയിൽ മെയ് 18 മുതൽ 20 വരെ നടന്ന രാജ്യത്തെ വിവിധ കത്തോലിക്കാ റീത്തുകളുടെ തലവന്മാരുടെ കൂടിക്കാഴ്ചയിൽ പാത്രിയാർക്കീസ് ഇഗ്നേസ് ജോസഫ് യൂനാൻ മൂന്നാമനാണ് അധ്യക്ഷത വഹിച്ചത്. ഇസ്ലാമിക് സ്റ്റേറ്റ് അധിനിവേശവും ആഭ്യന്തര യുദ്ധങ്ങളും സിറിയയില്‍ കനത്ത പ്രഹരമാണ് ഏല്‍പ്പിച്ചത്.
പ്രവാചക ശബ്ദത്തിൽ പ്രസിദ്ധീകരിക്കുന്ന വാർത്തകളും ലേഖനങ്ങളും വീഡിയോകളും പ്രവാചകശബ്ദത്തിന്റെ മൊബൈൽ ആപ്പിലൂടെ നിങ്ങൾക്ക് നേരിട്ട് ലഭിക്കും.
☛ ആന്‍ഡ്രോയിഡ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക
☛ ഐ‌ഓ‌എസ് വേര്‍ഷനിലുള്ള ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക
പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം
➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Page 1 of 656
More Readings »
വിശുദ്ധ കുര്‍ബാനയില്‍ പങ്കെടുക്കുന്നവരെ അനുകരിക്കുന്നത് നല്ലതാണ്: പക്ഷേ....!
"മാലാഖമാരുടെ ജീവന്‍ നിലനിര്‍ത്തുന്നതിന് ദൈവിക ദര്‍ശനം എത്രമാത്രം ആവശ്യമാണോ അതുപോലെതന്നെ...
'മാര്‍ച്ച് ഫോര്‍ ലൈഫി'ന് മുന്നോടിയായി ജനുവരി 23ന് ജാഗരണ പ്രാര്‍ത്ഥന
വാഷിംഗ്ടൺ ഡി.സി: ലോകത്തിലെ തന്നെ ഏറ്റവും വലിയ പ്രോലൈഫ് റാലിയായ മാര്‍ച്ച് ഫോര്‍ ലൈഫിന് മുന്നോടിയായി...
ലെബനോന്റെ പുതിയ പ്രസിഡന്‍റിന് ആശംസകളുമായി വത്തിക്കാന്‍
വത്തിക്കാന്‍ സിറ്റി: ക്രൈസ്തവ സമൂഹത്തിനായി നീക്കിവച്ചിരിക്കുന്ന ലെബനോനിലെ പ്രസിഡന്റ്...
നിക്കരാഗ്വേയില്‍ ഡൊമിനിക്കൻ സന്യാസിനികളുടെ കീഴിലുള്ള സംഘടന ഉള്‍പ്പെടെ 15 കൂട്ടായ്മകള്‍ക്ക് വിലക്ക്
മനാഗ്വേ: ലാറ്റിന്‍ അമേരിക്കന്‍ രാജ്യമായ നിക്കരാഗ്വേയില്‍ സ്വേച്ഛാധിപത്യ ഭരണകൂടം കത്തോലിക്ക...
സുവിശേഷവത്ക്കരണത്തിന്റെ കാഹളം മുഴക്കി 'AWAKENING' ജനുവരി 25ന് ബഥേലില്‍; ഫാ. സേവ്യര്‍ഖാന്‍ വട്ടായില്‍ നയിക്കുന്നു
AFCM UK-യുടെ നേതൃത്വത്തില്‍ ഒരുക്കപ്പെടുന്ന 'Awakening Evangelisation & Healing Convention' ആയിരങ്ങള്‍ പങ്കെടുക്കുന്ന...
ഇരിങ്ങാലക്കുട കത്തീഡ്രലിലെ പ്രസുദേന്തി വാഴ്‌ച; 13 ലക്ഷത്തോളം രൂപ ജീവകാരുണ്യ പ്രവര്‍ത്തനങ്ങള്‍ക്ക്
ഇരിങ്ങാലക്കുട: ജീവകാരുണ്യപ്രവർത്തനങ്ങൾക്കായി 13 ലക്ഷത്തോളം രൂപ നീക്കി വച്ച് പിണ്ടിപ്പെരുന്നാൾ...
