വാഷിംഗ്ടണ്‍ ഡി‌സി: സാത്താനിക മുദ്രയുളള ഷൂസ് പുറത്തിറക്കിയ അമേരിക്കൻ കമ്പനിയായ കോൺവേർസിന്റെ നിലപാടിനെതിരെ മുന്നറിയിപ്പുമായി കത്തോലിക്ക വൈദികനും ഭൂതോച്ചാടകനുമായ ഫാ. വിൻസെന്റ് ലാംബർട്ട്. ആളുകളിൽ പൈശാചികതയോട് ആകാംക്ഷ ജനിപ്പിക്കാൻ ഇത്തരത്തിലുള്ള കാര്യങ്ങൾ വഴിയൊരുക്കുമെന്ന മുന്നറിയിപ്പ് അദ്ദേഹം കാത്തലിക് ന്യൂസ് ഏജൻസിക്ക് നൽകിയ അഭിമുഖത്തിൽ പങ്കുവെച്ചു. ടർബോഡിആർകെ ചക് 70 എന്ന പേരിലുള്ള ഷൂസ് ജൂലൈ 27നു പുറത്തിറക്കി മണിക്കൂറുകൾക്കകം തന്നെ വലിയ കച്ചവടം നടന്നിരിന്നു. ഷൂസിന്റെ ഇരുവശങ്ങളിലും, കീഴിലുമായി പെന്റഗ്രാം മുദ്രയുണ്ട്.

ഫാഷൻ ഡിസൈനറായ റിക്ക് ഓവൻസുമായി ചേർന്നാണ് കോൺവേർസ് പെന്റഗ്രാം പതിച്ച ഷൂസുകൾ പുറത്തിറക്കിയത്. രഹസ്യ സംഘടനയായ ഫ്രീമേസൺസ്, മന്ത്രവാദം നടത്തുന്നവർ തുടങ്ങിയവർ ഈ മുദ്ര ഉപയോഗിക്കാറുണ്ട്. ആടിന്റെ തല മധ്യഭാഗത്തുള്ള പെന്റഗ്രാമാണ് ചര്‍ച്ച് ഓഫ് സാത്താന്റെ ഔദ്യോഗിക ചിഹ്നം. ഷൂസിനു മേലുള്ള പെന്റഗ്രാം ഒരു തമാശയായി ആദ്യം നാം എടുക്കാൻ സാധ്യതയുണ്ടെങ്കിലും, പൈശാചികതയോട് ബന്ധമുള്ള വസ്തുക്കളോടുള്ള താല്പര്യത്തിൽ നിന്നും സാത്താന് ആളുകളുടെ ജീവിതത്തിലേക്ക് പ്രവേശിക്കാൻ സാധിക്കുമെന്ന് ഫാ. ലാംബർട്ട് മുന്നറിയിപ്പ് നല്‍കി. പൈശാചികതയോടുള്ള ആകാംക്ഷ അല്ല സമൂഹം വളർത്തിയെടുക്കേണ്ടതെന്നും മറിച്ച് മനുഷ്യൻ ദൈവത്തിൻറെ ഛായയിലും, സാദൃശ്യത്തിലും, സൃഷ്ടിക്കപ്പെട്ടു എന്ന ചിന്തയാണ് വളർത്തിയെടുക്കേണ്ടതെന്നും അദ്ദേഹം അഭിപ്രായപ്പെട്ടു.

പൈശാചികതയുമായി ബന്ധമുള്ളതിനാലാണ് താൻ ഒരുപാട് നാളായി പെന്റഗ്രാം ഉപയോഗിക്കുന്നതെന്ന് റിക്ക് ഓവൻസ് തുറന്ന് സമ്മതിക്കുന്ന ഒരു കുറിപ്പ് കോൺവേർസ് കമ്പനി ഇൻസ്റ്റഗ്രാമിൽ പോസ്റ്റ് ചെയ്തിരുന്നു. നേരത്തെ കത്തോലിക്ക വിശ്വാസിയായിരുന്നു റിക്ക് ഓവൻസ്. ഈ പശ്ചാത്തലം കൂടി കണക്കിലെടുത്തുള്ള ഭൂതോച്ചാടകന്റെ മുന്നറിയിപ്പിനു വലിയ പ്രാധാന്യമാണുള്ളത്. ഈ വർഷമാദ്യം എയർ മാക്സ് 97 എന്ന ഷൂസിന്റെ ഇരുവശങ്ങളിൽ രക്തം നിറച്ച്, പെന്റഗ്രാം മുദ്രയോടുകൂടി എം‌എസ്‌സി‌എച്ച്‌എഫ് എന്ന കമ്പനി "സാത്താൻ ഷൂസ്" പുറത്തിറക്കിയത് വലിയ വിവാദങ്ങൾക്ക് വഴിവച്ചിരുന്നു.

പ്രവാചക ശബ്ദത്തിൽ പ്രസിദ്ധീകരിക്കുന്ന വാർത്തകളും ലേഖനങ്ങളും വീഡിയോകളും പ്രവാചകശബ്ദത്തിന്റെ മൊബൈൽ ആപ്പിലൂടെ നിങ്ങൾക്ക് നേരിട്ട് ലഭിക്കും. ‍

☛ ആന്‍ഡ്രോയിഡ് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍
☛ ഐ‌ഓ‌എസ് വേര്‍ഷനിലുള്ള ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക ‍

പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

ന്യൂനപക്ഷ സ്കോളര്‍ഷിപ്പ്: ഹൈക്കോടതി വിധിക്കെതിരെ സുപ്രീംകോടതിയില്‍ ഹര്‍ജി, സര്‍ക്കാരും അപ്പീലിന്

മ്യാന്‍മറില്‍ വൈദികനെയും വേദപാഠ അധ്യാപകനെയും തട്ടിക്കൊണ്ടുപോയി

കോൺവേർസ് കമ്പനി സാത്താനിക മുദ്രയുളള ഷൂസ് പുറത്തിറക്കി: ബഹിഷ്‌കരണവും പ്രതിഷേധവുമായി വിശ്വാസികൾ

2023 മെത്രാന്‍ സിനഡിന്റെ മെത്തഡോളജി കമ്മീഷന്‍ അംഗമായി ആഫ്രിക്കന്‍ കന്യാസ്ത്രീ

ഭാരതത്തിന് ക്രിസ്ത്യന്‍ സന്നദ്ധ സംഘടനയുടെ കൈത്താങ്ങ്: 4.25 മില്യൺ പൗണ്ടിന്റെ സഹായം പ്രഖ്യാപിച്ച് എ‌സി‌എന്‍

ജാർഖണ്ഡിലെ സ്കൂളില്‍ കൂട്ട മതപരിവർത്തനമെന്ന് കുപ്രചരണം: വ്യാജ വാര്‍ത്തയെ അപലപിച്ച് സഭാനേതൃത്വം

ഇത് ദണ്ഡ വിമോചനത്തിന്റെ മണിക്കൂറുകള്‍: 'പോര്‍സ്യുങ്കുള ദണ്ഡവിമോചനം' നേടാന്‍ വീണ്ടും അവസരം

നൈജീരിയന്‍ സംസ്ഥാനം വിദ്യാഭ്യാസ സ്ഥാപനങ്ങളുടെ നടത്തിപ്പ് കത്തോലിക്ക സഭയ്ക്കു കൈമാറി

പ്രതിമാസം 2000 രൂപ സഹായം, സഭാസ്ഥാപനങ്ങളില്‍ ജോലിക്കു മുന്‍ഗണന: ജീവന്റെ പ്രഘോഷകരാകുന്നവര്‍ക്ക് സഹായം പ്രഖ്യാപിച്ച് പത്തനംതിട്ട രൂപതയും

"ക്രിസ്ത്യന്‍ മിഷ്ണറിമാര്‍ ഇന്ത്യ വിടുക": വീണ്ടും വര്‍ഗ്ഗീയ വിഷം ചീറ്റി ബിജെപി എംപി രാകേഷ് സിന്‍ഹ