എറണാകുളം - അങ്കമാലി അതിരൂപതയുടെ നേതൃത്വത്തിൽ സാമൂഹ്യപ്രവർത്തന വിഭാഗമായ സഹൃദയയും സൗത്ത് വാഴക്കുളം മഡോണ ചാരിറ്റബിൾ ട്രസ്റ്റും ചേർന്ന് ഹരിത സമൃദ്ധി പദ്ധതിയുടെ ഭാഗമായി നടപ്പാക്കുന്ന തരിശു ഭൂമിയില്‍ കൃഷി ആരംഭിച്ചു. മറന്നു തുടങ്ങിയ കാർഷിക സംസ്കാരം തിരികെ എത്തിക്കാൻ കൊറോണ ലോക്ക് ഡൗൺ മൂലം മലയാളികൾ നിർബന്ധിതരായി മാറിയെന്ന് ഉദ്ഘാടനം നിര്‍വ്വഹിച്ച ബെന്നി ബഹനാൻ എം.പി. അഭിപ്രായപ്പെട്ടു.

ഷെവലിയർ പി.ജെ.തോമസ് അതിരൂപതയ്ക്ക് ദാനം നൽകിയ 13 ഏക്കർ ഭൂമിയിൽ മഡോണ ചാരിറ്റബിൾ ട്രസ്റ്റിന്റെ നേതൃത്വത്തിലാണ് സംസ്ഥാന കൃഷിവകുപ്പിന്റെ സഹകരണത്തോടെ വിവിധതരത്തിലുള്ള കാർഷികപ്രവർത്തനങ്ങൾക്ക് തുടക്കം കുറിച്ചത്. കിഴക്കമ്പലം ഫൊറോനാ വികാരി ഫാ. ഫ്രാൻസീസ് അരീക്കൽ അധ്യക്ഷത വഹിച്ചു.

സഹൃദയ ഡയറക്ടർ ഫാ. ജോസ് കൊളുത്തുവെള്ളിൽ, മഡോണ ചാരിറ്റബിൾ ട്രസ്ററ് ഡയറക്ടർ ഫാ. ആന്റോ ചാലിശേരി, ഫാ. പീറ്റർ തിരുതനത്തിൽ, ഗ്രാമപഞ്ചായത്ത് അംഗം വിജി സണ്ണി, കൃഷി ഓഫീസർ കെ. അനിത,കൈക്കാരൻ പൗലോസ് ഊറ്റാൻജേരി, ജോമോൻ പുന്നച്ചാൽ, വൈസ് ചെയർമാൻ ഡെന്നി പൂവൻ, മദർ സിസ്റ്റർ ജോത്സന എന്നിവർ സംസാരിച്ചു.