വാഷിംഗ്ടണ്‍ ഡി‌സി: അമേരിക്കന്‍ സുപ്രീം കോടതിയിലെ ആദ്യത്തെ പ്രോലൈഫ് വനിത ജഡ്ജിയായി നാമനിര്‍ദ്ദേശം ചെയ്യപ്പെട്ട അടിയുറച്ച ക്രൈസ്തവ വിശ്വാസിയായ അമി കോണി ബാരെറ്റിന് പിന്തുണ അറിയിച്ച് പ്രോലൈഫ് പ്രവര്‍ത്തകരുടെ പ്രകടനം. ഇന്നലെ ഒക്ടോബര്‍ 12നു സെനറ്റ് കണ്‍ഫര്‍മേഷന്‍ ഹിയറിംഗിനായി കാപ്പിറ്റോള്‍ ഹില്ലില്‍ അമി എത്തിയപ്പോള്‍ പ്രാര്‍ത്ഥനയും പ്രോലൈഫ് മുദ്രാവാക്യങ്ങളുമായി പ്രോലൈഫ് പ്രവര്‍ത്തകര്‍ പരസ്യ പിന്തുണ അറിയിക്കുകയായിരിന്നു. “റോയ് വി. വേഡ് പോകണം”, “അമിയെ തെരഞ്ഞെടുക്കൂ” തുടങ്ങിയ മുദ്രാവാക്യങ്ങളും ‘ജയ്’ വിളികളുമായി അമേരിക്കയുടെ വിവിധ ഭാഗങ്ങളില്‍ നിന്നുള്ള നിരവധി പേരാണ് പ്ലക്കാര്‍ഡുകളുമായി കാപ്പിറ്റോള്‍ ഹില്ലില്‍ എത്തിയത്.

ഇതിനിടെ അമിയുടെ ശുപാര്‍ശയ്ക്കെതിരെ പ്രതിഷേധവുമായി സുപ്രീം കോടതി പരിസരത്ത് തടിച്ചുകൂടിയ ഒരു സംഘം അബോര്‍ഷന്‍ അനുകൂലികള്‍ ജാഥയായി സെനറ്റിന് പുറത്ത് എത്തിയെങ്കിലും പ്രോലൈഫ് പ്രവര്‍ത്തകരുടെ ആഹ്ലാദാരവത്തില്‍ അവരുടെ പ്രതിഷേധം മുങ്ങിപ്പോയി. ഒട്ടേറെ സവിശേഷതകളോടെയാണ് അമേരിക്കന്‍ സുപ്രീം കോടതി ജഡ്ജിയായി അമി നാമനിര്‍ദ്ദേശം ചെയ്യപ്പെട്ടിരിക്കുന്നത്. അടിയുറച്ച കത്തോലിക്കാ വിശ്വാസിയും, പ്രോലൈഫ് അനുകൂലിയുമായ അമി തിരഞ്ഞെടുക്കപ്പെട്ടാല്‍ ഭ്രൂണഹത്യയ്ക്കു അനുമതി നല്‍കുന്ന ‘റോയ് വി. വേഡ്’ നിയമം ഇല്ലാതാക്കുമോ എന്ന ആശങ്കയിലാണ് അബോര്‍ഷന്‍ അനുകൂലികളും സാത്താന്‍ ആരാധകരും.

അമിയുടെ യേശുവിലുള്ള അടിയുറച്ച വിശ്വാസവും ക്രിസ്തീയ ധാര്‍മ്മിക നിലപാടും രാജ്യത്തെ ലിബറല്‍ നിലപാടുള്ളവരെ ഏറെ അസ്വസ്ഥരാക്കുന്നുണ്ട്. ഡെമോക്രാറ്റുകളില്‍ ബഹുഭൂരിഭാഗവും അമിയെ എതിര്‍ത്തുകൊണ്ട് മുന്നോട്ടുവന്നത് ഇത് ശരിവെയ്ക്കുകയാണ്. നാമനിര്‍ദ്ദേശം ചെയ്യപ്പെട്ടതു മുതല്‍, തന്നെ പിന്തുണച്ചുകൊണ്ടിരിക്കുന്നവര്‍ക്കും തന്നെ സ്വീകരിക്കുവാന്‍ പുറത്ത് തടിച്ചു കൂടിയിരുന്നവര്‍ക്കും ഹിയറിംഗിന്റെ തുടക്കത്തില്‍ നടത്തിയ പ്രസംഗത്തിലൂടെ അമി നന്ദി അറിയിച്ചു.

അന്തരിച്ച ജസ്റ്റിസ് റൂത്ത് ഗിന്‍സ്ബര്‍ഗിന്റെ ഒഴിവിലേക്കാണ് ട്രംപ് നാല്‍പ്പത്തിയെട്ടുകാരിയായ അമിയെ നാമനിര്‍ദ്ദേശം ചെയ്തിരിക്കുന്നത്. യേശുവിലുള്ള ആഴമായ വിശ്വാസത്തെ മുറുകെ പിടിക്കുന്ന തീക്ഷ്ണതയുള്ള ക്രൈസ്തവ വിശ്വാസിയും ഏഴു കുട്ടികളുടെ അമ്മയുമായ അമിയുടെ നാമനിര്‍ദേശം സെനറ്റ് ജുഡീഷറി കമ്മിറ്റിയും തുടര്‍ന്ന് സെനറ്റും വോട്ടെടുപ്പിലൂടെ അംഗീകരിച്ചാല്‍ അമേരിക്കന്‍ സുപ്രീം കോടതിയിലെ ഏറ്റവും പ്രായം കുറഞ്ഞ അംഗം എന്ന പേരോടെ അവര്‍ പുതിയ ഉത്തരവാദിത്വം ഏറ്റെടുക്കും. ഇതിനു പ്രാര്‍ത്ഥന കൊണ്ട് ബലമേകുകയാണ് പ്രോലൈഫ് പ്രവര്‍ത്തകരും ക്രൈസ്തവരും.

ക്രൈസ്തവ ലോകത്തെ ഓരോ ചലനങ്ങളും ഉടനടി അറിയുവാന്‍ ആഗ്രഹിക്കുന്നുവോ? പ്രവാചക ശബ്ദത്തിന്റെ വാട്സാപ്പ്/ ടെലഗ്രാം ഗ്രൂപ്പുകളിലേക്ക് സ്വാഗതം ‍

➤ വാട്സാപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

➤ ടെലഗ്രാം ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക

മെത്രാന്‍ പദവിയില്‍ നിന്ന് ഇടവക വൈദികനിലേക്ക്: എളിമയുടെ പാഠം പകര്‍ന്ന് മാര്‍ ജോണ്‍ വടക്കേലും

ഇന്ന് വാഴ്ത്തപ്പെട്ട കാർളോയുടെ പ്രഥമ തിരുനാൾ: മക്കൾ ഇല്ലാത്തവർക്കായി പ്രാർത്ഥിക്കാം

'ഞാന്‍ ഇപ്പോള്‍ യേശുവിന് ഒപ്പമാണ്': ഇസ്ലാമില്‍ നിന്ന് ക്രൈസ്തവ വിശ്വാസത്തെ പുല്‍കിയ അനുഭവം വിവരിച്ച് ഇറാന്‍ സ്വദേശി

സൈബര്‍ അപ്പസ്തോലന്‍ കാര്‍ളോയെ വാഴ്ത്തപ്പെട്ടവനായി പ്രഖ്യാപിച്ചു: തത്സമയം പങ്കുചേര്‍ന്നത് പതിനായിരങ്ങള്‍

ഉത്തരകൊറിയൻ ക്രൈസ്തവർക്ക് മൃതദേഹങ്ങള്‍ കത്തിച്ച ചാരം കലര്‍ന്ന വെള്ളം കുടിക്കേണ്ടിവരുന്നു: ഞെട്ടിപ്പിക്കുന്ന റിപ്പോര്‍ട്ട് പുറത്ത്

ലോക രാഷ്ട്രങ്ങള്‍ ക്രൈസ്തവ വിരുദ്ധതയ്ക്കെതിരെ പോരാടണം: ബ്രസീൽ പ്രസിഡന്റ് യുഎന്നിൽ

ഇറ്റാലിയൻ സർക്കാരിന്റെ പരമോന്നത പുരസ്കാരം അഭയാർത്ഥി കൊലപ്പെടുത്തിയ വൈദികന്

ഗർഭഛിദ്രത്തിൽ നിന്ന് രക്ഷപ്പെടുത്തിയ 14 കുഞ്ഞുങ്ങള്‍ക്ക് മാഡ്രിഡ് അതിരൂപത ജ്ഞാനസ്നാനം നല്‍കി

യേശുവില്‍ നിന്ന് ഓടിയകലാന്‍ ശ്രമിച്ചു, പക്ഷേ അവിടുന്ന് എന്നെ ചേര്‍ത്തുപിടിച്ചു: ക്രിസ്താനുഭവം പങ്കുവെച്ച് യുഎസ് വൈസ് പ്രസിഡന്റിന്റെ മകള്‍

മരണം വരിക്കേണ്ടിവന്നാലും ഭ്രൂണാവശിഷ്ടങ്ങള്‍ കൊണ്ടുണ്ടാക്കിയ വാക്സിന്‍ ക്രൈസ്തവർ ഉപയോഗിക്കരുത്: മുന്നറിയിപ്പുമായി ബിഷപ്പ് അത്താനേഷ്യസ് ഷ്നീഡർ