ന്യൂ​ഡ​ൽ​ഹി: ഫാ. ​ടോം ഉ​ഴു​ന്നാ​ലി​ലി​ന്‍റെ മോ​ച​ന​ത്തി​നായുള്ള കേ​ന്ദ്ര സ​ർ​ക്കാ​ർ ഉൗ​ർ​ജി​ത ശ്ര​മ​ങ്ങ​ൾ ന​ട​ത്ത​ണ​മെ​ന്ന് ആ​വ​ശ്യ​പ്പെ​ട്ട് കേരളത്തി​ൽ നി​ന്നു​ള്ള എം​പി​മാ​ർ പാ​ർ​ല​മെ​ന്‍റ് ക​വാ​ട​ത്തി​ലെ ഗാ​ന്ധി പ്ര​തി​മ​യ്ക്കു മു​ന്നി​ൽ ധ​ർ​ണ ന​ട​ത്തി. ക​ഴി​ഞ്ഞ മാ​സം കേ​ര​ളത്തി​യ കേ​ന്ദ്ര ആ​ഭ്യ​ന്ത​ര മ​ന്ത്രി രാ​ജ്നാ​ഥ് സിം​ഗി​നോ​ട് ഫാ. ടോമിന്റെ കാര്യത്തില്‍ മാ​ധ്യ​മ പ്ര​വ​ർ​ത്ത​ക​ർ പ്ര​തി​ക​ര​ണം ചോ​ദി​ച്ച​പ്പോ​ൾ അ​ങ്ങ​നെ ഒരു കാര്യത്തെക്കു​റി​ച്ച് അ​റി​യി​ല്ലാ​യെ​ന്നു പ​റ​ഞ്ഞ് കൈ ​മ​ല​ർ​ത്തു​ക​യാ​ണ് ചെ​യ്ത​തെ​ന്നു കൊ​ടി​ക്കു​ന്നി​ൽ സു​രേ​ഷ് കു​റ്റ​പ്പെ​ടു​ത്തി.

ഫാ.​ടോം ഉ​ഴു​നാ​ലി​ലി​നോ​ടൊ​പ്പം തീ​വ്ര​വാ​ദി​ക​ൾ ത​ട​വി​ലാ​ക്കി​യ മ​റ്റ് രാ​ജ്യ​ങ്ങ​ളി​ലെ പൗ​ര​ന്മാ​രെ മോ​ചി​പ്പി​ച്ചി​ട്ടും ഫാ. ​ടോ​മി​നെ മോചിപ്പിക്കുന്ന കാ​ര്യ​ത്തി​ൽ കേ​ന്ദ്ര സ​ർ​ക്കാ​ർ മെ​ല്ല​പ്പോ​ക്ക് ന​യ​മാ​ണ് സ്വീ​ക​രി​ക്കു​ന്ന​തെ​ന്നും എം​പി​മാ​ർ കു​റ്റ​പ്പെ​ടു​ത്തി.

വൈദികന്റെ മോ​ച​ന​ത്തി​നാ​യി കേ​ര​ള​ത്തി​ൽ നി​ന്നു​ള്ള എം.​പി​മാ​ർ ക​ഴി​ഞ്ഞ പാ​ർ​ല​മെ​ന്‍റ് സ​മ്മേ​ള​ന കാ​ല​ത്ത് തുടര്‍ച്ചയായി ​പ്ര​ശ്നം സഭയിൽ ഉ​ന്ന​യി​ക്കു​ക​യും വി​ദേ​ശ​കാ​ര്യ മ​ന്ത്രി​ക്ക് നി​വേ​ദ​നം ന​ൽ​കു​ക​യും ചെ​യ്തി​രു​ന്നു. വി​ദേ​ശ​കാ​ര്യ മ​ന്ത്രി സു​ഷ​മ സ്വ​രാ​ജ് ചികിത്സക്കായി പോ​കുന്നതിനു മുന്‍പ് ഫാ. ​ടോം ഉ​ഴുന്നാ​ലി​ന്‍റെ മോ​ച​ന​ത്തി​നു വേ​ണ്ടി ചി​ല ഇ​ട​പെ​ട​ലു​ക​ൾ ന​ട​ത്തി​യി​രു​ന്നു. എ​ന്നാ​ൽ, അതി​നു ശേ​ഷം കേ​ന്ദ്ര സ​ർ​ക്കാ​രും വി​ദേ​ശ​കാ​ര്യ മ​ന്ത്രാ​ല​യ​വും ഇ​ക്കാ​ര്യ​ത്തി​ൽ ഫ​ല​പ്ര​ദ​മാ​യ ഒ​രു ഇ​ട​പെ​ട​ലും ന​ട​ത്തി​യി​ട്ടി​ല്ലായെന്നും കൊ​ടി​ക്കു​ന്നി​ൽ സു​രേ​ഷ് ആ​രോ​പി​ച്ചു.

​വി​ഷ​യം അ​ന്താ​രാഷ്‌ട്ര ത​ല​ത്തി​ലേ​ക്ക് ഉ​യ​ർ​ത്തി​കൊ​ണ്ടു വ​രു​വാ​ൻ കേ​ന്ദ്ര സ​ർ​ക്കാ​രി​നാ​യി​ട്ടി​ല്ലെ​ന്നും എം​പി​മാ​ർ കു​റ്റ​പ്പെ​ടു​ത്തി. എം.പിമാരാ​യ എം.​കെ. രാ​ഘ​വ​ൻ, ആന്‍റോ ആ​ന്‍റ​ണി, ജോ​സ്.​കെ. മാ​ണി, ജോ​യി എ​ബ്ര​ഹാം, ജോ​യ്സ് ജോ​ർ​ജ്, മു​ല്ല​പ്പ​ള്ളി രാ​മ​ച​ന്ദ്ര​ൻ, പി. ​ക​രു​ണാ​ക​ര​ൻ, കെ.​സി.​വേ​ണു​ഗോ​പാ​ൽ, എ​ൻ.​കെ പ്രേ​മ​ച​ന്ദ്ര​ൻ, സി.​പി.​നാ​രാ​യ​ണ​ൻ, പി.​കെ. ശ്രീ​മ​തി, എ സ​മ്പ​ത്ത്, ഇ.​ടി. മു​ഹ​മ്മ​ദ് ബ​ഷീ​ർ എ​ന്നി​വ​ർ പ​ങ്കെ​ടു​ത്തു.