മാര്‍പാപ്പയ്ക്കു പിറന്നാള്‍ ആശംസകള്‍ നേരാന്‍ കുട്ടികളും തീര്‍ത്ഥാടകരുമായി 25,000 പേരാണ് വത്തിക്കാനിലെത്തിയത്. ഉണ്ണിയേശുവിനെ ഒഴിവാക്കിയുള്ള ക്രിസ്തുമസ് ആഘോഷം അര്‍ത്ഥശൂന്യമാണെന്നും പാപ്പ ഓര്‍മിപ്പിച്ചു. പിന്നീട് 13 അടി നീളമുള്ള ഭീമന്‍ പിസ കുട്ടികള്‍ക്കൊപ്പം മാര്‍പാപ്പ മുറിച്ചു. ഇതിനിടെ ഭൂഗോളം തോളിലേറ്റി ബാഗും പിടിച്ചു നില്‍ക്കുന്ന മാര്‍പാപ്പയുടെ ചിത്രം ആലേഖനം ചെയ്ത കേക്ക് ഒരു ബേക്കറി അദ്ദേഹത്തിനു സമ്മാനിച്ചു. ഇറ്റലിയിലെ പ്രമുഖ ഗ്രാഫിറ്റി കലാകാരന്‍ മൗരോ പല്ലോറ്റയാണ് കേക്ക് തയാറാക്കിയത്.