News
എൺപത്തിയേഴാം വയസ്സിലും കരുണയുടെ ദീപമായി സിസ്റ്റര്‍ ഡാനിയേല
സ്വന്തം ലേഖകന്‍ 01-10-2018 - Monday
വിജയവാഡ: ആന്ധ്രയിലെ പ്രത്യാശയറ്റ ജനത്തിന് സുവിശേഷത്തിന്റെ തണലില്‍ പുതുജീവിതമൊരുക്കുന്ന സിസ്റ്റര്‍ ഡാനിയേല കുഴിയാഡയിൽ സമര്‍പ്പിത ജീവിതം ആരംഭിച്ചിട്ട് അന്‍പതു വര്‍ഷം. മിഷ്ണറീസ് ഓഫ് ഇമ്മാക്കുലേറ്റ് കൺസെപ്ഷൻ സഭാംഗവും മലയാളിയുമായ സിസ്റ്റര്‍ ഡാനിയേല, കുഷ്ഠരോഗികളുടെയും പ്രതീക്ഷയറ്റ ഇതരരോഗികളുടെയും സേവനത്തിനായി സ്വജീവിതം മാറ്റി വയ്ക്കുകയായിരുന്നു. എൺപത്തിയേഴാം വയസ്സിലും പ്രായത്തെ വകവെക്കാതെ കരുണയുടെ ദീപമായി തുടരുകയാണ് സിസ്റ്റര്‍ ഡാനിയേല.
കുഷ്ഠരോഗം, എച്ച്.ഐ.വി, ക്ഷയരോഗം തുടങ്ങിയവ അനുഭവിക്കുന്നവരെ ശുശ്രൂഷിക്കുന്ന സന്യാസസഭയുടെ പ്രവർത്തനങ്ങൾ 1962-ൽ ആണ് തുടക്കം കുറിച്ചത്. വിജയവാഡ ബിഷപ്പായിരുന്ന മോൺ. അംബ്രോജിയോ ദെ ബാറ്റിസ്റ്റയുടെ നിർദ്ദേശമനുസരിച്ചാണ് വേഗവാരത്ത് പാവപ്പെട്ടവരുടെ പരിചരണത്തിന് ആദ്യത്തെ കുഷ്ഠരോഗാശുപത്രി ആരംഭിക്കുന്നത്. തുടർന്ന് നിരവധി സ്ഥാപനങ്ങളാണ് രോഗികളുടെ ആധിക്യം മൂലം ആന്ധ്രയുടെ വിവിധ മേഖലകളിൽ ആരംഭിച്ചത്. ഇവിടെയെല്ലാം ശുശ്രൂഷയുടെ സ്നേഹസ്പര്‍ശവുമായി സിസ്റ്റര്‍ ഡാനിയേല ഉണ്ടായിരിന്നു.
തിരുവനന്തപുരത്തു ജനിച്ച സി.ഡാനിയേല 1963 ൽ ആണ് സമര്‍പ്പിത ജീവിതം തിരഞ്ഞെടുത്ത് മിഷ്ണറി സഭാംഗമാകുന്നത്. ഇറ്റലിയിൽ ഉപരിപഠനം പൂർത്തിയാക്കിയ സിസ്റ്റര്‍, വേഗവാരം ഡാമിയൻ കുഷ്ഠരോഗ കേന്ദ്രത്തിൽ സേവനം ആരംഭിക്കുകയായിരുന്നു. തുടർന്ന് ഫ്രാസ്കോഗണ മെമ്മോറിയൽ റീഹാബിലിറ്റേഷൻ സെന്ററിലും പ്രവർത്തിച്ച സി.ഡാനിയേല പ്രായത്തിന്റെ അവശതകള്‍ക്കിടയില്‍ വിശ്രമജീവിതം തിരഞ്ഞെടുത്തില്ല.
അവരുടെ സേവനം എൺപത്തിയേഴാം വയസ്സിലും തുടർന്നു പോകുകയാണ്. പ്രായത്തിന്റെ പരിമിതികൾക്കിടയിലും ദൈവസ്നേഹത്തിന്റെ ഉദാത്ത മാതൃകയായ സി.ഡാനിയേല തന്റെ ശുശ്രൂഷകള്‍ വഴി ലഭിച്ച ദൈവാനുഗ്രഹങ്ങൾക്ക് നന്ദി പറഞ്ഞ് പുഞ്ചിരിയോടെ ശുശ്രൂഷ തുടരുകയാണ്. ഒക്ടോബർ 12 ന് നടക്കുന്ന കൃതജ്ഞതാ ദിവ്യബലിയില്‍ സി.ഡാനിയേല രോഗശയ്യയിൽ കഴിയുന്ന ഇരുനൂറോളം രോഗികളോടൊപ്പമാണ് പങ്കെടുക്കുക.
Page 1 of 369
More Readings »
സകല മരിച്ചവരുടെയും ഓർമ്മ
"പുണ്യവാൻമാരുടെ ഐക്യത്തിൽ ഞങ്ങൾ വിശ്വസിക്കുന്നു" എന്ന് ഓരോ വിശ്വാസപ്രമാണത്തിലും നമ്മൾ...
തിരുവോസ്തി മോഷണം പോയി; പരിഹാര പ്രാര്‍ത്ഥനയുമായി ഫ്രഞ്ച് രൂപത
പാരീസ്: ഫ്രാന്‍സിലെ കത്തോലിക്ക ദേവാലയത്തില്‍ നിന്നു തിരുവോസ്തി മോഷണം പോയതിനെ തുടര്‍ന്നു പരിഹാര...
'പാപ്പയുടെ ആത്മീയ പിതാവ്' ഫാ. പെഡ്രോയുടെ നാമകരണ നടപടിയുടെ രൂപതാഘട്ടം സമാപനത്തിലേക്ക്
വത്തിക്കാന്‍ സിറ്റി: ജെസ്യൂട്ട് സന്യാസ സമൂഹത്തിന്റെ മുന്‍ അധ്യക്ഷനും ഫ്രാൻസിസ് മാർപാപ്പയുടെ...
മക്കളെ നഷ്ടപ്പെട്ട മാതാപിതാക്കളെ സമര്‍പ്പിച്ച് ഫ്രാന്‍സിസ് പാപ്പയുടെ നവംബര്‍ മാസത്തെ നിയോഗം
വത്തിക്കാന്‍ സിറ്റി: മക്കളെ നഷ്ടപ്പെട്ട മാതാപിതാക്കളെ പ്രത്യേകം അനുസ്മരിച്ച് ഫ്രാന്‍സിസ്...
പ്രത്യാശ നഷ്ട്ടപ്പെട്ടോ? ഒറ്റപ്പെടലില്‍ താങ്ങി നിര്‍ത്തുവാന്‍ സഹായിക്കുന്ന 5 വിശുദ്ധരുടെ വാക്യങ്ങള്‍
കുടുംബ ജീവിതത്തിലും, ജോലിസ്ഥലത്തും നേരിടുന്ന സമ്മര്‍ദ്ധങ്ങളും ഒറ്റപ്പെടലും ആഭ്യന്തരയുദ്ധങ്ങളും,...
സകല വിശുദ്ധരുടെയും തിരുനാൾ: ചില ചിന്തകൾ
സകല വിശുദ്ധന്മാരുടെയും തിരുനാൾ ദിനമായ ഇന്നു എന്നെ സ്വാധീനിച്ച ഒരു ചിന്തയാണ് ഈ കുറിപ്പിന്റെ ആധാരം....
