News
'റഷ്യന്‍ തിരുകല്ലറ' ദേവാലയത്തിന്റെ പുനരുദ്ധാരണം പൂർത്തിയായി
സ്വന്തം ലേഖകന്‍ 02-10-2018 - Tuesday
മോസ്ക്കോ: മൂന്നര നൂറ്റാണ്ട് മുന്‍പ് റഷ്യൻ പാത്രിയര്‍ക്കീസ്‌ നിക്കോൺ പണി കഴിപ്പിക്കുകയും, രണ്ടാം ലോക മഹായുദ്ധ കാലത്ത് ജർമ്മൻ നാസികളാൽ തകർക്കപ്പടുകയും ചെയ്ത ന്യൂ ജറുസലേം എന്ന പേരിൽ അറിയപ്പെടുന്ന സന്യാസ ആശ്രമത്തിന്റെ പുനരുദ്ധാരണം പൂർത്തിയായി. ജറുസലേമിലെ യേശുവിന്റെ കല്ലറ സ്ഥിതി ചെയ്യുന്ന ദേവാലയത്തിന്റെ മാതൃകയിലാണ് 1656-ല്‍ പാത്രിയര്‍ക്കീസ്‌ നിക്കോൺ ന്യൂ ജറുസലേം ദേവാലയം പണിതത്.
റഷ്യക്കാർക്ക് ജറുസലേമിൽ പോകാനുളള ബുദ്ധിമുട്ട് ഒഴിവാക്കാനാണ് അതേ മാതൃകയിലുള്ള ഒരു ദേവാലയം പാത്രിയര്‍ക്കീസ്‌ നിക്കോൺ പണിതു നൽകിയത്. പത്താൻപതാം നൂറ്റാണ്ടിലും, ഇരുപതാം നൂറ്റാണ്ടിന്റെ ആരംഭത്തിലും, ന്യൂ ജറുസലേം സന്യാസ ആശ്രമം യൂറോപ്പിലെ പ്രമുഖ തീർഥാടന കേന്ദ്രങ്ങളുടെ പട്ടികയിൽ ഉണ്ടായിരുന്നു.
ഈ സമയത്ത് ഏതാണ്ട് മുപ്പത്തിഅയ്യായിരത്തോളം ആളുകൾ എല്ലാ വർഷവും സന്യാസ ആശ്രമം സന്ദര്‍ശിക്കാൻ എത്തിയിരിന്നുവെന്നാണ് കണക്കുകള്‍. റഷ്യൻ പ്രധാനമന്ത്രി ദിമിത്രി മെത്വിദേവ് ആണ് പുനരുദ്ധാരണ പ്രവർത്തനങ്ങൾക്ക് നേരിട്ട് നേതൃത്വം നൽകിയത്. ആശ്രമത്തിന്റെ മതിലുകൾക്ക് ഒരു കിലോമീറ്റർ ആണ് നീളം. തിരുകല്ലറ ദേവാലയത്തിന്റെ അതേ മാതൃകയിലാണ് ദേവാലയത്തിന്റെ ഓരോ ക്രമീകരണമെന്നതും ശ്രദ്ധേയമാണ്.
ആശ്രമത്തിലെ ദേവാലയങ്ങളിൽ യേശുവിന്റെ മരണത്തിനു മുൻപുള്ള നാളുകളും, യേശുവിന്റെ ഉത്ഥാനവും മനോഹരമായി ആലേഖനം ചെയ്യപ്പെട്ടിരിക്കുന്നു. ന്യൂ ജറുസലേം സന്യാസ ആശ്രമത്തിന്റെ കൂദാശ കർമ്മത്തിനു ശേഷം റഷ്യൻ പ്രസിഡന്റ് വ്ളാഡിമർ പുട്ടിനും ഇവിടം സന്ദര്‍ശിക്കാൻ എത്തിയിരുന്നു.
Page 1 of 369
More Readings »
സകല മരിച്ചവരുടെയും ഓർമ്മ
"പുണ്യവാൻമാരുടെ ഐക്യത്തിൽ ഞങ്ങൾ വിശ്വസിക്കുന്നു" എന്ന് ഓരോ വിശ്വാസപ്രമാണത്തിലും നമ്മൾ...
തിരുവോസ്തി മോഷണം പോയി; പരിഹാര പ്രാര്‍ത്ഥനയുമായി ഫ്രഞ്ച് രൂപത
പാരീസ്: ഫ്രാന്‍സിലെ കത്തോലിക്ക ദേവാലയത്തില്‍ നിന്നു തിരുവോസ്തി മോഷണം പോയതിനെ തുടര്‍ന്നു പരിഹാര...
'പാപ്പയുടെ ആത്മീയ പിതാവ്' ഫാ. പെഡ്രോയുടെ നാമകരണ നടപടിയുടെ രൂപതാഘട്ടം സമാപനത്തിലേക്ക്
വത്തിക്കാന്‍ സിറ്റി: ജെസ്യൂട്ട് സന്യാസ സമൂഹത്തിന്റെ മുന്‍ അധ്യക്ഷനും ഫ്രാൻസിസ് മാർപാപ്പയുടെ...
മക്കളെ നഷ്ടപ്പെട്ട മാതാപിതാക്കളെ സമര്‍പ്പിച്ച് ഫ്രാന്‍സിസ് പാപ്പയുടെ നവംബര്‍ മാസത്തെ നിയോഗം
വത്തിക്കാന്‍ സിറ്റി: മക്കളെ നഷ്ടപ്പെട്ട മാതാപിതാക്കളെ പ്രത്യേകം അനുസ്മരിച്ച് ഫ്രാന്‍സിസ്...
പ്രത്യാശ നഷ്ട്ടപ്പെട്ടോ? ഒറ്റപ്പെടലില്‍ താങ്ങി നിര്‍ത്തുവാന്‍ സഹായിക്കുന്ന 5 വിശുദ്ധരുടെ വാക്യങ്ങള്‍
കുടുംബ ജീവിതത്തിലും, ജോലിസ്ഥലത്തും നേരിടുന്ന സമ്മര്‍ദ്ധങ്ങളും ഒറ്റപ്പെടലും ആഭ്യന്തരയുദ്ധങ്ങളും,...
സകല വിശുദ്ധരുടെയും തിരുനാൾ: ചില ചിന്തകൾ
സകല വിശുദ്ധന്മാരുടെയും തിരുനാൾ ദിനമായ ഇന്നു എന്നെ സ്വാധീനിച്ച ഒരു ചിന്തയാണ് ഈ കുറിപ്പിന്റെ ആധാരം....
