News - 2025
ഇംഗ്ലണ്ടിനെയും വെയില്‍സിനെയും മാതാവിന്‍റെ വിമലഹൃദയത്തിന് പുന:പ്രതിഷ്ഠിച്ചു
സ്വന്തം ലേഖകന്‍ 22-02-2017 - Wednesday
ലണ്ടൻ: ഫാത്തിമയില്‍ മാതാവ് പ്രത്യക്ഷപ്പെട്ടതിന്‍റെ നൂറാം വാര്‍ഷികം ആഘോഷിക്കാന്‍ ലോകം തയ്യാറെടുക്കുമ്പോള്‍, ഇംഗ്ലണ്ടിനെയും വെയില്‍സിനെയും പരിശുദ്ധ അമ്മയുടെ വിമലഹൃദയത്തിന് പുന:പ്രതിഷ്ഠിച്ചുകൊണ്ട് കര്‍ദ്ദിനാള്‍ വിന്‍സെന്‍റ് നിക്കോള്‍സ്. ലണ്ടനിലെ വെസ്റ്റ് മിനിസ്റ്റര്‍ കത്തീഡ്രലില്‍ തിങ്ങിനിറഞ്ഞ മൂവായിരത്തോളം വിശ്വാസികളെ സാക്ഷി നിറുത്തിയാണ് അദ്ദേഹം ഈ പുണ്യകര്‍മ്മം നിര്‍വ്വഹിച്ചത്.
"ഫാത്തിമയില്‍ പ്രത്യക്ഷപ്പെട്ടതിന്‍റെ ഈ നൂറാം വര്‍ഷത്തില്‍ സഭയോടും ലോകം മുഴുവനോടും ചേര്‍ന്ന് ഞങ്ങളെ അമ്മയുടെ വിമലഹൃദയത്തിനു സമര്‍പ്പിക്കുന്നു" എന്ന പ്രാര്‍ത്ഥന ചൊല്ലിക്കൊണ്ടാണ് കര്‍ദ്ദിനാള്‍ നിക്കോള്‍സ് ഇംഗ്ലണ്ടിനെയും വെയില്‍സിനെയും ദൈവമാതാവിന് സമര്‍പ്പിച്ചത്.
1948-ല്‍ വെസ്റ്റ് മിനിസ്റ്റര്‍ കത്തീഡ്രലില്‍ വച്ച് കര്‍ദ്ദിനാള്‍ ബെര്‍നാര്‍ഡ് ഗ്രിഫിന്‍ ഈ രാജ്യത്തെ പരിശുദ്ധ അമ്മയുടെ വിമലഹൃദയത്തിനു പ്രതിഷ്ഠിച്ചിരുന്നു.
പുന:പ്രതിഷ്ഠാ മധ്യേ കര്‍ദ്ദിനാള്‍ നിക്കോള്‍സ് ജപമാല പ്രാര്‍ത്ഥനയുടെ പ്രാധാന്യത്തെപ്പറ്റി പ്രത്യേകം എടുത്തു പറഞ്ഞു. "ജപമാല ചൊല്ലി പ്രാര്‍ത്ഥിക്കുന്ന ഒരു വ്യക്തി ദൈവത്തോട് 'അതെ' എന്നു പറയുന്നു. പരിശുദ്ധ അമ്മയുടെ അമലോദ്ഭവ ഹൃദയത്തെ ആദരിക്കുന്നതിന് ജപമാല ഏറ്റവും ഉചിതമായ മാര്‍ഗ്ഗമാണ്‌ അദ്ദേഹം പറഞ്ഞു.
