എ​ഡി​ൻ​ബ​റോ: സ്കോട്‌ലൻഡിൽ മ​രി​ച്ച ഫാ. ​മാ​ർ​ട്ടി​ൻ വാ​ഴ​ച്ചി​റ​യു​ടെ മൃ​ത​ദേ​ഹം 12-ാം തീ​യ​തി​വ​രെ വി​ട്ടു​ത​രാ​നാ​കി​ല്ലെ​ന്നു സ്കോട്ടിഷ് പോലീസ്. വൈദികന്റെ മൊ​ബൈ​ൽ ഫോ​ൺ ക​ണ്ടെ​ത്തു​ന്ന​തി​നു​വേ​ണ്ടി​യു​ള്ള ശ്ര​മ​ങ്ങ​ൾ ന​ട​ക്കു​ക​യാ​ണെ​ന്നും ലാ​പ്ടോ​പ്പും സി​സി​ടി​വി ദൃ​ശ്യ​ങ്ങ​ളും വി​ശ​ദ​മാ​യി പ​രി​ശോ​ധിക്കുന്നുണ്ടെന്നും പോ​ലീ​സ് അ​റി​യി​ച്ച​താ​യി മൃ​ത​ദേ​ഹം നാ​ട്ടി​ലെ​ത്തി​ക്കു​ന്ന​തു​ൾ​പ്പെ​ടെ​യു​ള്ള കാ​ര്യ​ങ്ങ​ൾ​ക്കു സി​എം​ഐ സ​ഭ ചു​മ​ത​ല​പ്പെ​ടു​ത്തി​യി​ട്ടു​ള്ള വൈദികന്‍ ഫാ.​ടെ​ബി​ൻ പു​ത്ത​ൻ​പു​ര​യ്ക്ക​ൽ പ​റ​ഞ്ഞു.

എ​ല്ലാ അ​ന്വേ​ഷ​ണ​ങ്ങ​ളും പൂ​ർ​ത്തി​യാ​ക്കി മ​ര​ണ​കാ​ര​ണ​ത്തെ​ക്കു​റി​ച്ചു​ള്ള അ​ന്തി​മ നി​ഗ​മ​ന​ത്തി​ലെ​ത്തി​യ ശേ​ഷം മാ​ത്ര​മേ മൃ​ത​ദേ​ഹം വി​ട്ടു​ത​രാ​നാകു​ക​യു​ള്ളൂ​വെ​ന്നു ഫി​സ്ക​ൽ ഉ​ദ്യോ​ഗ​സ്ഥ​ൻ അ​റി​യി​ച്ച​താ​യും ഫാ. ​ടി​ബി​ൻ കൂട്ടിചേര്‍ത്തു. ക​ഴി​ഞ്ഞ​ദി​വ​സം അ​ന്വേ​ഷ​ണ ഉ​ദ്യോ​ഗ​സ്ഥ​ർ പോ​സ്റ്റ്മോ​ർ​ട്ടം റി​പ്പോ​ർ​ട്ട് വി​ശ​ദ​മാ​യി വി​ല​യി​രു​ത്തി​യെ​ങ്കി​ലും മ​റ്റ് അ​ന്വേ​ഷ​ണ​ങ്ങ​ൾ പൂ​ർ​ത്തി​യാ​കാ​ത്ത​തി​നാ​ൽ മൃ​ത​ദേ​ഹം വി​ട്ടു​ത​രാ​നാ​വി​ല്ലെ​ന്ന നി​ല​പാ​ടി​ലാ​ണു പോ​ലീ​സ്.

ഇക്കഴിഞ്ഞ ജൂണ്‍ 23നാണ് ഫാ. മാർട്ടിൻ സേവ്യറിന്‍റെ മൃതദേഹം താമസസ്ഥലത്തില്‍ നിന്ന്‍ 30 മൈല്‍ മാറി സ്ഥിതി ചെയ്യുന്ന ബീച്ചിൽ നിന്നു കണ്ടെത്തിയത്. പോസ്റ്റ്മോര്‍ട്ടം പരിശോധനകള്‍ കഴിഞ്ഞിട്ടും മരണകാരണം ഇപ്പോഴും അവ്യക്തമായി തുടരുകയാണ്. മൃതദേഹ പരിശോധനയുമായി ബന്ധപ്പെട്ടുള്ള തുടര്‍നടപടികള്‍ പൂര്‍ത്തിയാക്കി നാട്ടില്‍ എത്തിക്കുന്നതിന് വേണ്ട സഹായങ്ങള്‍ എഡിന്‍ബര്‍ഗ് അതിരൂപതാദ്ധ്യക്ഷന്‍ ലിയോ കുഷ്‌ലി നേരത്തെ വാഗ്ദാനം ചെയ്തിരിന്നു.